കസാന്: പ്രീക്വാര്ട്ടറില് വമ്പന് പോരാട്ടങ്ങളാണ് ഇന്ന്. ലോകമെങ്ങും ആരാധകരുള്ള ടീമുകളാണ് ഇന്ന് നേര്ക്കുനേര് എത്തുന്നത് എന്നത് ആവേശം ഇരട്ടിയാക്കുന്നു. പ്രീക്വാര്ട്ടര് പോരാട്ടത്തില് അര്ജന്റീന ഫ്രാന്സിനേയും രണ്ടാമത്തെ മത്സരത്തില് പോര്ച്ചുഗല് യുറഗ്വായേയും തോല്പ്പിച്ചാല് ക്വാര്ട്ടര് ഫൈനലില് സ്വപ്ന പോരാട്ടത്തിന് കളമൊരുങ്ങും.
അങ്ങനെയെങ്കില് മെസ്സി- റൊണാള്ഡോ പോരാട്ടം ലോകകപ്പ് വേദിയിലും കാണാം. എന്നാല് നിലനില്ക്കുന്ന പ്രശ്നം വേറൊന്നാണ്. അഥവ ഇരുടീമുകളും ജയിച്ചാല് മഞ്ഞചതിച്ചാല് ഇരുവരും നേര്ക്കുനേര് എത്തുന്നത് നഷ്ടമാകും. ഗ്രൂപ്പ് ഘട്ടത്തിലെ അവസാന മത്സരത്തില് മെസ്സി നൈജീരയയ്ക്കെതിരെയും റൊണാള്ഡോ ഇറാനെതിരെയും മഞ്ഞക്കാര്ഡ് വാങ്ങിയിരുന്നു. ഇതോടെ ഇന്നത്തെ പ്രീക്വാര്ട്ടര് പോരാട്ടത്തില് ഒരു കാര്ഡ് കൂടി ലഭിച്ചാല് ഇവര്ക്കു ക്വാര്ട്ടര് ഫൈനല് നഷ്ടമാകും.
ഫിഫയുടെ നിയമമനുസരിച്ച് രണ്ടു മത്സരങ്ങളില് മഞ്ഞക്കാര്ഡ് ലഭിച്ചാല് അടുത്ത മത്സരത്തില് സസ്പെന്ഷന് ലഭിക്കും. ലോകകപ്പില് ഗ്രൂപ്പു മത്സരങ്ങള് മുതല് ക്വാര്ട്ടര് ഫൈനല് വരെ ഈ നിയമം ബാധകമാണ്. എന്നാല് ക്വാര്ട്ടര് പോരാട്ടത്തോടെ അതുവരെയുള്ള കാര്ഡുകള് പരിഗണിക്കുന്നത് അവസാനിക്കും.
