ലോകകപ്പ് ഫൈനലില് ഫ്രാന്സിനോട് 4-2 ന് പരാജയപ്പെട്ടെങ്കിലും ക്രൊയേഷ്യന് നായകന് ലൂക്കാമോഡ്രിക്ക് ഇപ്പോള് ക്രൊയേഷ്യയ്ക്ക് മുഴുവനും വീര നായകനാണ്. ഫുട്ബോള് ചരിത്രത്തില് തങ്ങളുടെ ഏറ്റവും വലിയ നേട്ടം സ്വന്തമാക്കിയ ക്രൊയേഷ്യ രണ്ടാം സ്ഥാനക്കാരെന്ന നേട്ടം കൊയ്യുമ്പോള് ലൂക്കാ മോഡ്രിക്കിന്റെ ഒരു വീഡിയോ യൂ ട്യൂബില് തരംഗമാകുകയാണ്. അഞ്ചു വയസ്സുള്ള ലൂക്കാ മോഡ്രിക് താന് വളര്ന്ന ക്രൊയേഷ്യയിലെ മലയോര ഗ്രാമത്തില് ഒന്നില് ആട്ടിടയനായി ആടുകളെ തെളിച്ചുകൊണ്ടു പോകുന്ന വീഡിയോയാണ് വൈറലാകുന്നത്.
പാവ്ലോ ബലനോവിക്ക് എന്ന ഡോക്യൂമെന്ററി സംവിധായകന് ക്രൊയേഷ്യയുടെ ഉള്നാട്ടിലെ ഉയര്ന്ന പ്രദേശങ്ങളില് ഒരിക്കല് എടുത്ത വീഡിയോയിലാണ് ചെന്നായ്ക്കളെ ഭയക്കാതെ ആടുകളെ വീട്ടിലേക്ക് തെളിച്ചുകൊണ്ടുപോകുന്ന ഈ അഞ്ചു വയസ്സുകാരന്റെ ദൃശ്യം കിട്ടിയത്. 'ദി വോള്ഫ്മെന് : ദി ഡയറി ഓഫ് പോള് ബലനോവിക്' എന്ന പേരില് പാവ്ലോ ബാലനോവിക്ക് 90 കളില് ബിബിസിയ്ക്ക് വേണ്ടി ചെയ്ത ഡോക്യുമെന്ററികളില് ഒന്നിലാണ് ലോകത്തെ മിഡ്ഫീല്ഡ് മെസ്ട്രോ ആടുകളെ തെളിച്ചുകൊണ്ടു പോകുന്ന ദൃശ്യങ്ങള് വരുന്നത്. ലിക് എന്ന് പേരുള്ള തന്റെ പ്രിയപ്പെട്ട ചെന്നായ്ക്ക് പറ്റിയ ഒരു വീട് കണ്ടെത്താനുള്ള ശ്രമത്തിനിടയിലാണ് ബാലനോവിക് ചെന്നായ്ക്കളുടെ പിടിയില് പെടാതെ പാറക്കെട്ടുകള്ക്കിടയിലൂടെ ഒരു ജാക്കറ്റുമിട്ട് കയ്യില് ഒരു വടിയുമായി ആടുകളെ തെളിച്ചു കൊണ്ടു പോകുന്ന കൊച്ചു മോഡ്രിക്കിന്റെ ദൃശ്യങ്ങള് കിട്ടിയത്.
വെലേബിറ്റ് മലനിരകളിലൂടെയുള്ള ഈ യാത്രയില് സ്റ്റിപ് മോഡ്രിക് എന്ന് പേരുള്ള ഒരാളുമായി ബാലനോവിക് സൗഹൃദത്തിലായി. മലമുകളിലായിരുന്നു ഇയാളുടെ കുടുംബം. റയല് മദ്ധ്യനിരക്കാരന് ലൂക്കാ മോഡ്രിക്കിന്റെ പിതാവായിരുന്നു അയാളെന്നാണ് യു ട്യൂബില് പോസ്റ്റ് ചെയ്യപ്പെട്ട വീഡിയോയില് ബാലനോവിക് പറയുന്നത്.
തികച്ചും മാന്യന്മാരും നിഷ്ക്കളങ്കരുമാണ് മോഡ്രിക്കിന്റെ കുടുംബമെന്ന് ബാലനോവിക് പറയുന്നു. യുദ്ധം ഇവരുടെ വീട് തകര്ക്കുന്നതിന് ഏതാനും നാള് മുമ്പായിരുന്നു പര്വ്വത നിരകളിലെ കാട്ടുമൃഗങ്ങളുടെ ജീവിതം പകര്ത്താന് വേണ്ടി ബെലനോവിക് മോഡ്രിക്കിന്റെ കുടുംബവീട്ടില് എത്തിയത്. വര്ഷങ്ങള്ക്ക് മുമ്പായിരുന്നു പിതാവിന്റെ ആട്ടിന്പറ്റത്തെ തെളിച്ചു കൊണ്ടു പോകുന്ന ഒരു പയ്യന്റെ വിവരം ബാലനോവിക്കിന് കിട്ടിയത്. എന്നാല് പിന്നെ അവന്റെ ദൃശ്യങ്ങള് പകര്ത്തിയാല് എന്തെന്ന് ചിന്തിക്കാന് ബാലനോവിക്കിന് വീണ്ടും ആലോചിക്കേണ്ടി വന്നില്ല. ആ പയ്യനാണ് ഇന്നത്തെ പ്രസിദ്ധ ക്രൊയേഷ്യന് താരം ലൂക്കാമോഡ്രിക്ക് എന്നായിരുന്നു ബാലനോവിക്ക് കുറിച്ചത്.
ബാലനോവിക്കിന്റെ അവകാശവാദം പിന്നീട് ക്രൊയേഷ്യയിലെ റിപ്പോര്ട്ടര്മാരും സ്ഥിരീകരിച്ചിട്ടുണ്ട്. ക്രൊയേഷ്യയിലെ തീരദേശ നഗരമായ സദറിലെ വെലേബിറ്റ് പര്വ്വതത്തിന്റെ തെക്കന് ചെരിവിലെ സാട്ടോണ് ഒബ്രോവാക്കി ഗ്രാമത്തിലായിരുന്നു മോഡ്രിക് വളര്ന്നത്. പിന്നീട് 1991 ല് ആഭ്യന്തര കലാപം പൊട്ടിപ്പുറപ്പെട്ടതോടെ വീട് വിട്ടുപോകാന് മോഡ്രിക്കിന്റെ കുടുംബം നിര്ബ്ബന്ധിതം ആകുകയായിരുന്നു. റഷ്യന് ലോകകപ്പില് ചെറുപ്പത്തില് ആട്ടിന്പറ്റങ്ങളെ തെളിച്ച അതേ മനോധൈര്യത്തിലാണ് തന്റെ ടീമിനെ മോഡ്രിക്ക് ഫൈനലിലേക്ക് നടത്തിയത്. മലെഞ്ചരുവിെല ആ തകര്ന്ന ലൂക്കാ മോഡ്രിക്കിന്റെ വീട് ഇേപ്പാള് ക്രൊയേഷ്യയില് സ്മാരകമാണ്.
