തിരുവനന്തപുരം: സ്വാമി അഗ്നിവേശിനെതിരായ ബി.ജെ.പി ആക്രമണത്തെ അപലപിച്ച് മുഖ്യമന്ത്രി പിണറായി വിജയന്. ആക്രമണം തികച്ചും അപലപനീയമാണെന്ന് പിണറായി വിജയന് പറഞ്ഞു. തങ്ങളുടെ ആശയത്തെ എതിര്ക്കുന്നവരെ ആക്രമണത്തിലൂടെ നിശബ്ദരാക്കാനുള്ള സംഘപരിവാര് പദ്ധതിയുടെ ഭാഗമായിട്ടെ ഇതിനെ കാണാനാകൂ. മതനിരപേക്ഷതയ്ക്ക് വേണ്ടി നിലകൊള്ളുന്ന എല്ലാവരും ഇത്തരം ആക്രമണങ്ങള്ക്കെതിരെ രംഗത്ത് വരണമെന്നും മുഖ്യമന്ത്രി ആവശ്യപ്പെട്ടു.
മുഖ്യമന്ത്രിയുടെ ഫെയ്സ്ബുക്ക് പോസ്റ്റ്
സാമൂഹിക പ്രവര്ത്തകന് സ്വാമി അഗ്നിവേശിന് നേരെ ജാര്ഖണ്ഡിലെ പാക്കൂറില് ബി.ജെ.പി.യുടെയും മറ്റു സംഘപരിവാര് വിഭാഗങ്ങളുടെയും പ്രവര്ത്തകര് നടത്തിയ ആക്രമണം തികച്ചും അപലപനീയമാണ്. ആദിവാസികളുടെ ഭൂമി പ്രശ്നവുമായി ബന്ധപ്പെട്ട ഒരു സമ്മേളനത്തില് പങ്കെടുക്കാനാണ് അദ്ദേഹം പാക്കൂറില് എത്തിയിരുന്നത്. സമ്മേളനത്തിന് പോകും മുമ്പ് അദ്ദേഹം മാധ്യമപ്രവര്ത്തകരുമായി സംസാരിച്ചിരുന്നു. അതുകഴിഞ്ഞ് ഹോട്ടലില് നിന്ന് പുറത്തിറങ്ങുമ്പോഴാണ് ബി.ജെ.പിക്കാരും യുവമോര്ച്ച, എ.ബി.വി.പി, ബജ്രംഗ്ദള് പ്രവര്ത്തകരും ക്രൂരമായി മര്ദ്ദിച്ചത്. മാധ്യമപ്രവര്ത്തകരുടെ മുമ്പിലായിരുന്നു ഈ സംഭവം. അതുകൊണ്ട് പതിവു രീതിയില് ബി.ജെ.പി നേതൃത്വത്തിന് ഒഴിഞ്ഞുമാറാനാവില്ല.
വര്ഗീയത ഇളക്കിവിട്ട് ജനങ്ങളെ ഭിന്നിപ്പിക്കാനും അതിലൂടെ രാഷ്ട്രീയമുതലെടുപ്പ് നടത്താനും സംഘപരിവാര് നടത്തുന്ന നീക്കങ്ങളെ ശക്തമായി എതിര്ക്കുന്നവരില് പ്രമുഖനാണ് സ്വാമി അഗ്നിവേശ്. തങ്ങളുടെ ആശയത്തെ എതിര്ക്കുന്നവരെ ആക്രമണത്തിലൂടെ നിശബ്ദരാക്കാനുളള സംഘപരിവാര് പദ്ധതിയുടെ ഭാഗമായിട്ടേ ഇതിനെ കാണാനാവു. മതനിരപേക്ഷതക്ക് വേണ്ടി നിലകൊള്ളുന്ന എല്ലാവരും ഇത്തരം ആക്രമണങ്ങള്ക്കെതിരെ രംഗത്തുവരേണ്ടതുണ്ട്.
ജാര്ഖണ്ഡിലെ പാകൂറില് ഒരു പരിപാടിയില് പങ്കെടുത്ത് മടങ്ങുന്നതിനിടെയാണ് അദ്ദേഹത്തെ ബി.ജെ.പി-യുവമോര്ച്ച അക്രമി സംഘം മര്ദ്ദിച്ചത്. ബീഫ് ഉപയോഗത്തെ സംബന്ധിച്ച് അദ്ദേഹം അടുത്തിടെ നടത്തിയ അഭിപ്രായ പ്രകടനത്തിന്റെ പേരിലായിരുന്നു മര്ദ്ദനം. സ്വകാര്യ ഹോട്ടലില് സംഘടിപ്പിച്ച പരിപാടി കഴിഞ്ഞ് പുറത്തിറങ്ങുന്നതിനിടെ കരിങ്കൊടിയുമായി എത്തിയ പ്രവര്ത്തകര് അഗ്നിവേശിനെ മര്ദ്ദിക്കുകയായിരുന്നു. സ്വാമിക്ക് നേരെ പാഞ്ഞടുത്ത അക്രമികള് അദ്ദേഹത്തെ മര്ദ്ദിച്ചു നിലത്തിട്ടു. തുടര്ന്ന് റോഡിലിട്ടും മര്ദ്ദനം തുടര്ന്നു.
Activist Swami Agnivesh brutally thrashed by BJP Yuva Morcha workers in Pakur district, Jharkhand.
Culture of BJP is on full display pic.twitter.com/cjyXw9swBl— Tarique Anwer (@tanwer_m) July 17, 2018
