മല്ലപ്പള്ളി: ഫെയ്സ്ബുക്ക് ലൈവ് ചെയ്യാന് പാറക്കുളത്തില് ചാടിയ യുവാവിനെ കാണാതായി. താന് സാഹസികമായി 50 അടി താഴ്ചയുള്ള പാറക്കുളത്തിലേക്ക് ചാടുന്നത് ചിത്രീകരിക്കാന് ഭാര്യയുടെ കയ്യില് മൊബൈല് ക്യാമറ ഓണാക്കി നല്കിയതിന് ശേഷമാണ് ഇയാള് ചാടിയത്. മല്ലപ്പള്ളി എഴുമറ്റൂര് വെള്ളയില് ഇരുമ്പുകുഴി സുനു സദനത്തില് പരേതനായ മുകുന്ദന്റെ മകന് എസ്.എം ജിനു(36)വിനെയാണ് കാണാതായത്.
ഇന്നലെ ഉച്ചയ്ക്ക് വീടിന് സമീപം പുറ്റത്താനിയിലെ പാറമടയിലാണ് ജിനു ചാടിയത്. പാറമടയുടെ ഏറ്റവും ഉയര്ന്ന ഭാഗത്ത് നിന്ന് 50 അടി താഴ്ചയിലേക്ക് ചാടി അത് എഫ്.ബി ലൈവ് ചെയ്യുകയായിരുന്നു ലക്ഷ്യം. ഭാര്യ നീനുവിന്റെ കയ്യിലുണ്ടായിരുന്ന മൊബൈല് ക്യാമറയില് ജിനു ചാടുന്ന രംഗങ്ങള് പതിഞ്ഞിട്ടുണ്ട്. നീനുവിനൊപ്പം ഒന്പത് മാസം പ്രായമുള്ള മകള് ശ്രീനന്ദും നാല് വയസുള്ള മകന് അഭിനന്ദും ഉണ്ടായിരുന്നു.
ജിനു പാറക്കുളത്തില് ചാടി അല്പ്പസമയം കഴിഞ്ഞിട്ടും ഉയര്ന്ന് വരാതിരുന്നതിനെ തുടര്ന്ന് നീനു ഒച്ചവച്ച് ആളെക്കൂട്ടുകയായിരുന്നു. ജിനുവിന് നീന്തല് വശമുണ്ടായിരുന്നു. എന്നാല് വീഴ്ചയുടെ ആഘാതത്തില് താഴ്ന്ന് പോയിരിക്കാമെന്നാണ് പോലീസ് നിഗമനം. പെരുമ്പട്ടി പോലീസും ഫയര് ഫോഴ്സും തെരച്ചില് നടത്തി.
