ജക്കാര്ത്ത: 18-ാമത് ഏഷ്യന് ഗെയിംസില് സ്വര്ണ്ണത്തിളക്കത്തോടെ മെഡല് നേട്ടം റെക്കോര്ഡ് കടന്നു. ബോക്സിങ്ങ് റിങ്ങില് നിന്ന് അമിത് കുമാര് നേടിയ 14-ാം സ്വര്ണ്ണത്തിലൂടെയാണ് ഗെയിംസിലെ ആകെ മെഡല് നേട്ടത്തില് ഇന്ത്യന് റെക്കോര്ഡ് മറികടന്നത്. അമിതിന്റെ ഇടിമുഴക്കത്തിനു പിന്നാലെ ബ്രിജ്( ചീട്ടുകളി) ടീം ഇനത്തില് പുരുഷ ടീമിനും സുവര്ണ്ണത്തിളക്കം. എന്നാല് സ്ക്വാഷില് ഇന്ത്യയുടെ സുവര്ണ്ണ പ്രതീക്ഷ വെള്ളിയിലൊതുങ്ങി. സുവര്ണ്ണ പോരാട്ടത്തിനിറങ്ങിയ ഇന്ത്യന് വനിതകളെ ഹോങ്കോങ്ങ് ആണ് പരാജയപ്പെടുത്തിയത്.
ഫൈനലില് ഇന്ത്യയുടെ മലയാളി താരം സുനൈന കുരുവിള, ജോഷ്ന ചിന്നപ്പ എന്നിവര് തോല്വി വഴങ്ങിയതോടെ ഇന്ത്യയ്ക്ക് വെള്ളികൊണ്ട് തൃപ്തരാകേണ്ടി വന്നു. ഇഞ്ചിയോണ് ഗെയിംസിലും ഇന്ത്യന് വനിതാ ടീം വെള്ളി നേടിയിരുന്നു. ഹോങ്കോങ്ങിന്റെ ഹോട്സേ ലോകിനോട് 11-8, 11-6, 10-12, 11-3 എന്ന സ്കോറിനാണ് സുനൈന ആദ്യ ഗെയിം നഷ്ടമാക്കിയത്. രണ്ടാം ഗെയിമില് ജോഷ്ന ചിന്നപ്പ 11-3, 11-9, 11-5 എന്ന സ്കോറിന് വിങ് ചി ആനിനോടും തോറ്റു. ദീപിക് പള്ളിക്കല്, തന്വി ഖന്ന എന്നിവരാണ് ടീമിലെ മറ്റ് അംഗങ്ങള്. നിലവിലെ ചാമ്പ്യന്മാരായ മലേഷ്യയെ 2-0 ന് പരാജയപ്പെടുത്തിയാണ് ഇന്ത്യന് വനിതകള് ഫൈനലില് കടന്നത്.
News Flash: Squash | India go down to Hong Kong 0-2 in Women's Team Event Final as Joshna Chinappa loses the 2nd Singles match
Silver for India
Well done girls
PS: Won Silver in 2014 edition also #AsianGames2018 pic.twitter.com/qKkpJVcQlG— India@AsianGames2018 (@India_AllSports) September 1, 2018
