ലണ്ടന്: ക്രിക്കറ്റ് കളത്തില് സ്ലെഡ്ജിങ്ങ്( ചൂടന് വാക് പ്രയോഗം) ഏറ്റവും ഉപയോഗിച്ച് എതിരാളികള്ക്ക് മേല് മേധാവിത്വം നേടുന്ന ടീമാണ് ഓസ്ട്രേലിയ. കളിക്കളത്തിലെ ഇത്തരം ചൂടന് വാക്പ്രയോഗത്തിന്റെ പേരില് പലപ്പോഴും വിവാദം ഉയര്ന്നു വരാറുമുണ്ട്. ഏറ്റവും ഒടുവില് ഓസ്ട്രേലിയന് ടീമംഗത്തിന്റെ പേരില് ഗുരുതര ആരോപണവുമായി ഇംണ്ട് താരം മോയിന് അലിയാണ് രംഗത്തെത്തിയിരിക്കുന്നത്.
2015 ലെ ആഷസ് പരമ്പരയ്ക്കിടെയില് ഓസ്ട്രേലിയന് ടീമംഗം തന്നെ ഒസാമ എന്ന് വിളിച്ച് വംശീയമായി അധിക്ഷേപിച്ചുവെന്നാണ് മോയിന് അലി വെളിപ്പെടുത്തിയിരിക്കുന്നത്. ബ്രിട്ടീഷ് മാധ്യമമായ ദി ടൈംസ് പരമ്പരയില് പ്രസിദ്ധീകരിക്കുന്ന ആത്മകഥയിലാണ് ഇംണ്ട് ഓള്റൗണ്ടര് ഇക്കാര്യം വെളിപ്പെടുത്തിയിരിക്കുന്നത്.
ഒസാമ എന്ന് വിളിച്ചതോടെ കളിയിലുള്ള സകല നിയന്ത്രണവും തനിക്ക് നഷ്ടമായി. തന്നെ വംശീയമായി നിന്ദിച്ചതുപോലെ തനിക്കു തോന്നി. അത്രയും ദേഷ്യത്തോടെ ക്രിക്കറ്റ് ഗ്രൗണ്ടില് താന് നിന്നിട്ടില്ലെന്നും മോയിന് അലി തന്റെ ആത്കഥയില് വിശദീകരിക്കുന്നു. ഓസ്ട്രേലിയന് താരം തനിക്ക് അടുത്തെത്തി 'ഒസാമ അതൊന്ന് എടുക്കു' എന്നാണ് പറഞ്ഞത്. അതോടെ തന്റെ സകല നിയന്ത്രണവും നഷ്ടമായി. ഇക്കാര്യം സഹതാരങ്ങളോടും കോച്ചിനോടും പറഞ്ഞു, പിന്നീട് കോച്ച് ട്രെവര് ബെയ്ലിസ് ഓസ്ട്രേലിയയുടെ കോച്ചായ ഡാരെന് ലേമാന്റെ ശ്രദ്ധയില്പ്പെടുത്തിയെന്നും അലി പറയുന്നു. എന്നാല് ആ ഓസ്ട്രേലിയന് താരം ഇതിനു നല്കിയ വിശദീകരണം ഇങ്ങനെയായിരുന്നു പാര്ട്ട്-ടൈമര് അതെടുക്കു.. എന്നാണ് പറഞ്ഞതെന്നും മോയിന് അലി അത് ഒസാമ എന്ന് തെറ്റിദ്ധരിക്കുകയുമായിരുന്നുവെന്നുമായിരുന്നു വിശദീകരണം.
