ന്യൂഡല്ഹി: ഇന്ധന വിലയില് രണ്ടര രൂപയുടെ ഇളവ് പ്രഖ്യാപിച്ച കേന്ദ്രസര്ക്കാര് നടപടിയെ പരിഹസിച്ച് കോണ്ഗ്രസ്. ആയിരം മുറിവുകളുണ്ടാക്കിയിട്ട് ഒരു ബാന്ഡ് എയ്ഡ് ഒട്ടിക്കുന്നതിന് തുല്യമാണ് കേന്ദ്രസര്ക്കാര് നടപടിയെന്ന് കോണ്ഗ്രസ് വക്താവ് രണ്ദീപ് സിംഗ് സുര്ജേവാല പരിഹസിച്ചു. ഒന്നോ രണ്ടോ രൂപയുടെ നിസാര ഇളവ് നല്കുന്നതിന് പകരം 2014ലെ നിരക്കിലേക്ക് ഇന്ധനവില കൊണ്ടുവരാന് പ്രധാനമന്ത്രിയെ കോണ്മ്രസ് വെല്ലുവിളിച്ചു.
ജനരോക്ഷം ഭയന്നും നാല് സംസ്ഥാനങ്ങളിലേക്ക് നടക്കാനിരിക്കുന്ന നിയമസഭാ തിരഞ്ഞെടുപ്പ് മുന്കൂട്ടി കണ്ടുമാണ് സര്ക്കാര് നടപടിയെന്ന് സുര്ജേവാല കുറ്റപ്പെടുത്തി. പെട്രോള്, ഡീസല് വില ജി.എസ്.ടിയില് ഉള്പ്പെടുത്തണം. ജി.എസ്.ടി സംസ്ഥാനങ്ങള് ഈടാക്കുന്ന വാറ്റ് നികുതിയേക്കാള് കുറവാണ്. ഇന്ത്യയില് പെട്രോളും ഡീസലും വില്ക്കുന്നതിന്റെ പകുതി വിലയ്ക്കാണ് മോഡി സര്ക്കാര് ഇവ കയറ്റുമതി ചെയ്യുന്നതെന്ന് വിവരാവകാശ രേഖ വ്യക്തമാക്കിയിട്ടുണ്ടെന്നും സുര്ജേവാല പറഞ്ഞു.
Facing public ire and imminent defeat in the 5 election going states, Modi Government attempted to apply ‘Band Aid’ on the thousand wounds inflicted by it by massive profiteering in the prices of Petrol, Diesel, Kerosene, Cooking gas, CNG, PNG and Natural Gas.
Statement:- pic.twitter.com/nuz22UNhcY— Randeep Singh Surjewala (@rssurjewala) October 4, 2018
