ന്യൂഡല്ഹി: സുരക്ഷാസേന കശ്മീരില് രാസായുദ്ധം പ്രയോഗിച്ചുവെന്ന പാക്ക് വാദം തള്ളി ഇന്ത്യ. ഭീകരവാദ ഭീഷണിയില് നിന്നും അന്താരാഷ്ട്ര ശ്രദ്ധമാറ്റുന്നതിന് പാകിസ്താന് വിദ്വേഷമുണ്ടാക്കാനുള്ള ശ്രമമാണ് നടത്തുന്നതെന്നും. വിഷയത്തില് പാകിസ്താന് കൈക്കൊള്ളുന്നത് ഉത്തരവാദിത്തമില്ലായിമ്മയാണ് കാണിക്കുന്നത് എന്നും ഇന്ത്യ ആരോപിച്ചു.
പാകിസ്താന്റെ വിദേശകാര്യ വക്താവ് മുഹമ്മദ് ഫൈസല് ആണ് വ്യാഴാഴച കശ്മീരില് രാസായുദ്ധം ഉപയോഗിച്ചതായി ആരോപണമുന്നയിച്ചത്. ഇന്ത്യന് പൗരന്മരുടെമേല് രാസായുധം പ്രയോഗിച്ചെന്ന ആരോപണം തള്ളുന്നതായി വിദേശകാര്യ വക്താവ് രവീഷ് കുമാര് പ്രതികരിച്ചു.
ഇത്തരത്തിലുള്ള ആരോപണങ്ങള് ആദ്യമല്ലെന്നും എല്ലാം അടിസ്ഥാനരഹിതമായ ആരോപണങ്ങളാണെന്നും. ലോകത്ത് ഏതൊരിടത്തും ഏതു സമയത്തും ഏതൊരാള്ക്കെതിരേയും രാസാക്രമണം നടത്തുന്നതിന് എതിരാണെന്ന് ഇന്ത്യ തുടര്ച്ചയായി വ്യക്തമാക്കിയതാണെന്നും അദ്ദേഹം പറഞ്ഞു.
രാസായുധ ഉടമ്പടിയില് (സിഡബ്ല്യസി) ഒപ്പു വച്ച രാജ്യമാണ് ഇന്ത്യ. തങ്ങളുടെ സംഭാവനകളെ രാജ്യാന്തര സമൂഹം തന്നെ അംഗീകരിച്ചിട്ടുള്ലതാണെന്നും അദ്ദേഹം വ്യക്തമാക്കി. പാകിസ്താന് തുടര്ച്ചയായി തെറ്റായ ആരോപണങ്ങള് ഉന്നയിക്കുന്നതില് അതീവ ഉതകണ്ഠ അറിയിക്കുന്നുവെന്നും ഇന്ത്യ വ്യക്തമാക്കി.
