മൈസൂര്: ആഘോഷരാവ് ഒരിക്കലും മറക്കാനാവാത്ത ദുരനുഭവത്തിന്റെ രാത്രിയാണ് സ്ത്രീകള്ക്ക് സമ്മാനിച്ചത്. ദസറയുമായി ബന്ധപ്പെട്ട് ആഘോഷത്തിനിടെയാണ് സ്ത്രീകള്ക്ക് നേരെ അതിക്രമം ഉണ്ടായത്. രാത്രിയില് നടന്ന ആഘോഷങ്ങള്ക്കിടെ നിരവധി സ്ത്രീകളാണ് ലൈംഗികമായി ആക്രമിക്കപ്പെട്ടത്. ഇത് സംബന്ധിച്ച് പരാതിയുമായി നിരവധി സ്ത്രീകളാണ് പോലീസ് സ്റ്റേഷനില് പരാതിയുമായി എത്തിയത്.
പോലീസ് സ്റ്റേഷനില് പരാതിയുമായി വന്നതില് കൂടുതല് സ്ത്രീകള് സോഷ്യല് മീഡിയകളിലൂടെ തങ്ങള്ക്ക് നേരിടേണ്ടി വന്ന അതിക്രമങ്ങള് തുറന്നു പറഞ്ഞിട്ടുമുണ്ട്. തിങ്കളാഴ്ച രാത്രി മൈസൂറാണ് സംഭവം ഉണ്ടായത്. ദസറയുടെ ഭാഗമായി തെരുവില് അരങ്ങേറുന്ന ആഘോഷങ്ങള് കാണാനായി നിരവധി ആളുകളായിരുന്നു തടിച്ചുകൂടിയത്. വിനോദ സഞ്ചാരികളും ഇക്കൂട്ടത്തില് ഉണ്ടായിരുന്നു. ഈ സമയം മദ്യപിച്ചെത്തിയ ചില യുവാക്കള് സ്ത്രീകളെ കയറിപ്പിടിക്കുകയായിരുന്നു.
ചിലര് മദ്യപിച്ച് ലെക്ക്കെട്ടെത്തി തങ്ങളുടെ ശരീരത്തിലേക്ക് മറിഞ്ഞുവീണുവെന്ന് യുവതികള് പറയുന്നു. ഒരു യുവതി ഇവര്ക്ക് നേരെ ശബ്ദമുയര്ത്തിയെങ്കിലും മറ്റാരും പിന്തുണച്ചില്ലെന്ന് ഒരു യുവതി ട്വീറ്റ് ചെയ്തു. ആഘോഷം കാണാനെത്തിയ വിനോദ സഞ്ചാരികള്ക്ക് നേരെയും ഈ യുവാക്കളുടെ ആക്രമണം ഉണ്ടായി.
അതേസമയം സംഭവത്തെ കുറിച്ച് ഔദ്യോഗികമായി തനിക്ക് ഒരു പരാതിയും ലഭിച്ചിട്ടില്ലെന്നാണ് മൈസൂര് പോലീസ് കമ്മീഷണര് എ സുബ്രഹ്മണ്യേശ്വര പറയുന്നത്. പ്രദേശത്തെ സിസി ടിവി ദൃശ്യങ്ങള് പരിശോധിച്ച് വരികയാണെന്ന് പോലീസ് വ്യക്തമാക്കി. സംഭവത്തില് വ്യക്തതയ്ക്ക് വേണ്ടിയാണ് സിസി ടിവി ദൃശ്യങ്ങള് പരിശോധിക്കുന്നതെന്നും പോലീസ് പറഞ്ഞു.
ഇതേരീതിയില് ബംഗ്ലൂരുവില് ന്യൂഇയര് ആഘോഷങ്ങളുടെ ഇടയ്ക്ക് ആക്രമണം നടന്നിരുന്നു. സ്ത്രീകളെ കയറിപ്പിടിക്കുകയും ലൈംഗികാതിക്രമത്തിന് ഇരയാക്കുകയും ചെയ്തിരുന്നു. ഇതിന്റെ സിസി ടിവി ദൃശ്യങ്ങള് പുറത്തെത്തിയത് വലിയ വിവാദങ്ങള്ക്ക് വഴിയൊരുക്കിയിരുന്നു.
