സൂരജ്കുണ്ഡ്: ഹരിയാനയിലെ ദയാല്ബാഗില് നാലു സഹോദരങ്ങളെ തൂങ്ങിമരിച്ചനിലയില് കണ്ടെത്തി. മൂന്നു പേര് സ്ത്രീകളും ഒരു പുരുഷനുമാണ് മരിച്ചത്. എല്ലാവരും 30-45 മധ്യേ പ്രായമുള്ളവരാണ്. സാമ്പത്തിക ബാധ്യതയേ തുടര്ന്ന് ജീവനൊടുക്കുകയാണെന്ന് ആത്മഹത്യാക്കുറിപ്പ്. ഇവര് വാടകയ്ക്ക് താമസിച്ചിരുന്ന ഫ്ളറ്റില് നിന്നും ദുര്ഗന്ധം പുറത്തേക്ക് വന്നതോടെ അയല്ക്കാര് പോലീസിനെ വിവരം അറിയിച്ചത്.
ഇവര് എല്ലാവരും അവിവാഹിതരാണ്. ഇവരുടെ മാതാപിതാക്കള് രണ്ടു പേരും സര്ക്കാര് സര്വീസില് നിന്ന് വിരമിച്ചവരാണ്. അവര് നേരത്തെ മരിച്ചുപോയിരുന്നു. സഹോദരങ്ങളില് ഒരാള്ക്ക് കിഡ്നിസംബന്ധമായ രോഗമുണ്ട്. മറ്റുള്ളവരേയും രോഗങ്ങള് അലട്ടുന്നുണ്ട്. കുറച്ചുകാലമായി ഡയാലിസിസ് ഉള്പ്പെടെയുള്ള ചികിത്സ നടത്തിവരികയായിരുന്നു. ചികിത്സയ്ക്കായി അയല്വാസികളോട് അടക്കം കടംവാങ്ങിയിരുന്നുവെന്നും പറയപ്പെടുന്നു.
മൃതദേഹങ്ങള് പിജിഐ റോത്തക്കിലേക്ക് പോസ്റ്റ്മോര്ട്ടത്തിന് മാറ്റിയതായി പോലീസ് അറിയിച്ചു. കൂട്ടമരണത്തില് അന്വേഷണം നടത്തുമെന്നും പോലീസ് വ്യക്തമാക്കി.
