നട അടിച്ചിടുമെന്ന് തന്ത്രി പറഞ്ഞത് തന്നോട് ആലോചിച്ചിട്ട്, ഇത് നമുക്ക് വീണുകിട്ടിയ സുവര്ണാവസരം: ശ്രീധരന്പിള്ള
കോട്ടയം: ശബരിമലയിലെ യുവതി പ്രവേശനവുമായി ബന്ധപ്പെട്ട് നടന്ന സമരം ആസൂത്രിതമായിരുന്നുവെന്ന വെളിപ്പെടുത്തലുമായി ബി.ജെ.പി സംസ്ഥാന അധ്യക്ഷന് പി.എസ് ശ്രീധരന്പിള്ള. യുവതികള് ശബരിമലയില് പ്രവേശിച്ചാല് നട അടച്ചിടുമെന്ന തന്ത്രിയുടെ പ്രസ്താവന താനുമായി ആലോചിച്ചാണ്. അതിന്റെ പേരില് കോടതിയലക്ഷ്യം ഉണ്ടാവില്ലെന്ന് താന് തന്ത്രിക്ക് ഉപദേശം നല്കിയിരുന്നു. എന്തു നടപടിവന്നാലും ആദ്യം പ്രതിയാകുക താനായിരിക്കും. അതിനു ശേഷമേ തന്ത്രിയും മറ്റും കേസില്പെടുവെന്നും ഉറപ്പുനല്കിയെന്നും ശ്രീധരന്പിള്ള പറയുന്നു. കോഴിക്കോട് നടന്ന യുവമോര്ച്ച യോഗത്തിലായിരുന്നു പ്രവര്ത്തകരെ ആവേശംകൊള്ളിക്കാന് ശ്രീധരന്പിള്ളയുടെ വെളിപ്പെടുത്തല്.
.jpg)
ശബരിമല കലാപഭൂമിയാക്കിയത് ബി.ജെ.പി എന്ന് തെളിഞ്ഞു: മന്ത്രി കടകംപള്ളി സുരേന്ദ്രന്
തിരുവനന്തപുരം: കേരളത്തെ കലാപഭൂമിയാക്കി രാഷ്ട്രീയ നേട്ടമുണ്ടാക്കാനുള്ള സുവര്ണ്ണാവസരമാണ് ശബരിമലയെന്ന ബി.ജെ.പി സംസ്ഥാന അധ്യക്ഷന്റെ പ്രസ്താവന കേരളത്തിന്റെ പൊതുസമൂഹത്തോടും സുപ്രീം കോടതിയോടുമുള്ള തുറന്ന വെല്ലുവിളിയാണെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു.17-ാം തിയതി മുതലുള്ള അക്രമണങ്ങള്ക്ക് പിന്നില് ബിജെപി ആണെന്ന് ശ്രീധരന്പിള്ള തന്നെ പറയുന്നുണ്ട്. ഈ അക്രമങ്ങള്ക്ക് പിന്നില് കേരളത്തിലെ നിരപരാധികളായ അയ്യപ്പ ഭക്തരാണെന്ന് വരുത്തി തീര്ക്കാന് ആണ് ശ്രമിച്ചിരുന്നതെന്നും കടകംപള്ളി ആരോപിച്ചു.
സ്ഥാനാര്ത്ഥി പട്ടികയില് ഇടമില്ല; മിസോറം സ്പീക്കര് രാജിവച്ച് ബി.ജെ.പിയില് ചേര്ന്നു
എയ്സാള്: ആസന്നമായ മിസോറാം നിയമസഭാ തെരഞ്ഞെടുപ്പില് സ്ഥാനാര്ത്ഥിത്വത്തെ ചൊല്ലി കോണ്ഗ്രസിനുള്ളില് കലാപം. നിയമസഭാ സ്പീക്കറും മുതിര്ന്ന കോണ്ഗ്രസ് നേതാവുമായ ഹൈഫീ പാര്ട്ടിയിലെ സ്ഥാനങ്ങളും സ്പീക്കര് പദവിയും രാജിവച്ച് ബി.ജെ.പിയില് ചേര്ന്നു. തിങ്കളാഴ്ച ഉച്ചയോടെയാണ് ഹൈഫീ രാജി പ്രഖ്യാപിച്ച് ബി.ജെ.പിയില് എത്തിയത്. എന്നാല് രാജിക്കാര്യം വ്യക്തമാക്കിയിട്ടില്ല. ഡെപ്യൂട്ടി സ്പീക്കര് ആര്. ലാല്റിനൗമ്നയ്ക്കാണ് രാജിക്കത്ത് നല്കിയത്.മിസോറാമില് കോണ്ഗ്രസിന്റെ മുതിര്ന്ന നേതാവായിരുന്നു ഹൈഫീ. സെയ്ഹ സ്വദേശിയായ ഹൈഫീ പലക് മണ്ഡലത്തില് നിന്നാണ് നിയമസഭായില് എത്തിയത്.
താജ്മഹല് പള്ളിയില് വെള്ളിയാഴ്ച ഒഴികെ നമസ്കാര വിലക്ക്
ന്യൂഡല്ഹി : താജ് മഹലിനോട് ചേര്ന്ന പള്ളിയില് വെള്ളിയാഴ്ച ഒഴികെയുള്ള ദിവസങ്ങളില് നമസ്കാരം നടത്തുന്നതിന് വിലക്ക്. ആര്ക്കിയോളജിക്കല് സര്വേ ഓഫ് ഇന്ത്യയാണ് ഇത്തരമൊരു വിലക്ക് ഏര്പ്പെടുത്തിയിരിക്കുന്നത്. നമസ്കാരത്തിന് ദേഹശുദ്ധി നടത്തുന്നതിനുള്ള വഴി ഇന്നലെ ആര്ക്കിയോളജി അധികൃതര് അടച്ചതായും ടൈംസ് ഓഫ് ഇന്ത്യ റിപ്പോര്ട്ട് ചെയ്തു. ജുലൈയില് സുപ്രീം കോടതി പുറപ്പെടുവിച്ച ഉത്തരവ് പരിഗണിച്ചാണ് നടപടിയെന്നാണ് ആര്ക്കിയോളജിക്കല് സര്വേ നല്കുന്ന വിശദീകരണം.
ട്രാക്കില് പരിശോധനയ്ക്കിടെ ട്രെയിന് ഇടിച്ച് നാല് റെയില്വേ ജീവനക്കാര് മരിച്ചു
ലഖ്നൗ: ഉത്തര്പ്രദേശിലെ ഹര്ദോയിയില് ട്രെയിന് തട്ടി നാല് റെയില്വേ ജീവനക്കാര് മരിച്ചു. തിങ്കളാഴ്ച രാവിലെ 11.55 ഓടെ ട്രാക്കില് പരിശോധനയ്ക്കിടെയാണ് അപകടം. സാന്ദിലയ്ക്കും ഉമര്തലിക്കും ഇടയിലാണ് അപകടം നടന്നത്. കൊല്ക്കൊത്ത-അമൃത്സര് അകാല് തക്ക് എക്സപ്രസ് ആണ് ജീവനക്കാരെ ഇടിച്ചുതെറിപ്പിച്ചത്. ട്രാക്കില് അറ്റകുറ്റപ്പണിക്ക് മുന്പ് സ്വീകരിക്കേണ്ട മുന്കരുതല് ജീവനക്കാര് എടുത്തിരുന്നില്ലെന്ന് സൂചനയുണ്ട്.
