മലപ്പുറം: ബന്ധുനിയമനം സംബന്ധിച്ച് പരസ്യസംവാദത്തിന് പാലക്കാട് തങ്ങളോ, കുഞ്ഞാലിക്കുട്ടിയോ വന്നാല് പരിഗണിക്കാമെന്ന് മന്ത്രി കെ.ടി.ജലീല്. പരസ്യസംവാദത്തിന് വെല്ലുവിളിച്ച യൂത്ത് ലീഗ് സംസ്ഥാന ജനറല് സെക്രട്ടറി പി.കെ. ഫിറോസിന്റെ പ്രസ്താവനയോട് പ്രതികരിക്കുകയായിരുന്നു ജലീല്. തന്റെ ബന്ധുവായ അദീബിന്റെ യോഗ്യതയില് സംശയമുള്ളവര്ക്ക് ന്യൂനപക്ഷ വികസന കോര്പ്പറേഷന് എംഡിയോട് ചോദിക്കാമെന്നും ജലീല് മലപ്പുറത്ത് പറഞ്ഞു.
താനുന്നയിച്ച ആരോപണങ്ങള്ക്ക് മന്ത്രി ഇതുവരെ മറുപടി നല്കിയിട്ടില്ലെന്ന് പറഞ്ഞാണ് ഫിറോസ് ജലീലിനെ സംവാദത്തിന് വെല്ലുവിളിച്ചത്. അതേസമയം മന്ത്രി കെ.ടി ജലീലിനെ എടപ്പാളില് യുഡിഎഫ് പ്രവര്ത്തകര് കരിങ്കൊടി കാണിച്ചു. മന്ത്രിയുടെ വാഹനത്തിനു നേരെ പ്രവര്ത്തകര് മുട്ടയെറിഞ്ഞു. പ്രതിഷേധമുയര്ത്തിയ പ്രവര്ത്തകരെ പോലീസ് അറസ്റ്റ് ചെയ്ത് നീക്കി. കഴിഞ്ഞ ദിവസം മലപ്പുറത്ത് നടന്ന മന്ത്രി കെ.ടി ജലീലിന്റെ പരിപാടികളിലെല്ലാം യൂത്ത് ലീഗ് വന് പ്രതിഷേധം ഉയര്ത്തിയിരുന്നു.
