കൊച്ചി : ശബരിമല യാത്ര ഒഴിവാക്കി ഭൂമാതാ ബ്രിഗേഡ് നേതാവ് തൃപ്തി ദേശായിയും സംഘവും ഇന്നുതന്നെ മടങ്ങിയേക്കുമെന്ന് റിപ്പോര്ട്ട്. ഇതുസംബന്ധിച്ച് ആറു മണിക്ക് ശേഷം തീരുമാനമെടുക്കുമെന്ന് തൃപ്തി അറിയിച്ചിരിക്കുന്നത്. പോയാലും ഈ മണ്ഡലകാലത്തു തന്നെ തിരികെ എത്തുമെന്നും അവര് പറഞ്ഞു. തനിക്ക് ഒരു രാഷ്ട്രീയ പാര്ട്ടിയുമായും ബന്ധമില്ലെന്നും ക്രമസമാധാന പ്രശ്നങ്ങള് ഉണ്ടാക്കാന് ആഗ്രഹിക്കുന്നില്ലെന്നും തൃപ്തി ദേശായി. താന് സ്ത്രീപക്ഷത്താണ്. അഞ്ചു വര്ഷമായി ഒരു പാര്ട്ടിയുമായും ബന്ധമില്ല.
അടുത്ത തവണ കൂടുതല് തയ്യാറെടുപ്പുകളോടെ ശബരിമല ദര്ശനത്തിന് എത്താന് തൃപ്തിയോടും സംഘത്തോടും പോലീസ് നിര്ദേശിച്ചു. ഇതിനിടെ, ഇവര്ക്ക് നിയമവാഗ്ദാനവുമായി മൂന്ന് വനിതാ അഭിഭാഷകര് രംഗത്തെത്തിയിട്ടുണ്ട്.
തൃപ്തി എത്തിയതോടെ തികച്ചും നാടകീയ സംഭവങ്ങളാണ് വിമാനത്താവളത്തില് ഉണ്ടായത്. ഇതേതുടര്ന്ന് പുലര്ച്ചെ 4.40 ന് എത്തിയ തൃപ്തി ഉച്ചയ്ക്ക് ഒരു മണിയാകുമ്പോഴും വിമാനത്താവളത്തില് തന്നെ നിലയുറപ്പിച്ചിരിക്കുകയാണ്. പുറത്തിറങ്ങാന് നിവൃത്തിയില്ലാതായതോടെ വീട്ടില് നിന്നു കൊണ്ടുവന്ന പ്രഭാത ഭക്ഷണം തൃപ്തിയും സംഘവും നിലത്തിരുന്ന് കഴിച്ചു. 12 മണിക്കൂറായി നെടുമ്പാശ്ശേരി വിമാനത്താവളത്തില് തുടരുകയാണ് തൃപ്തി.
