വന്ഹിറ്റായി മാറിയ ഇന്ത്യന് ടൂ വിന് ശേഷം അഭിനയം നിര്ത്തിയേക്കുമെന്ന സൂചന നല്കി ഉലകനായകന് കമല്ഹാസന്. കൊച്ചി കിഴക്കമ്പലം പഞ്ചായത്ത് ഭവനരഹിതർക്കായി നിർമിച്ച വില്ലകൾ സമർപ്പിക്കാനെത്തിയപ്പോഴായിരുന്നു അഭിനയം നിര്ത്തുന്നതിനേക്കുറിച്ച് സൂചനകള് നല്കിയത്.
പുതിയതായി പ്രഖ്യാപിച്ച രാഷ്ട്രീയപാര്ട്ടിക്കൊപ്പം മുഴുവന് സമയ രാഷ്ട്രീയത്തില് ഇറങ്ങുന്നതിന്റെ ഭാഗമായിട്ടാണ് തീരുമാനം. ഇന്ത്യൻ ടു തന്റെ അഭിനയ ജീവിതത്തിലെ അവസാന ചിത്രമായിരിക്കാമെന്ന് താരം പറഞ്ഞു. തമിഴ്നാട്ടിൽ നടക്കാനിരിക്കുന്ന ഉപതിരഞ്ഞെടുപ്പുകളിലടക്കം തന്റെ പാർട്ടി മൽസരിക്കുമെന്ന് ആവർത്തിച്ച കമൽ മതേതര ചേരിക്കൊപ്പമാകും ഉണ്ടാകുകയെന്നും പറഞ്ഞു.
രാഷ്ട്രീയത്തില് താന് മതേതര ചേരികള്ക്ക് ഒപ്പമാകും നിലയുറപ്പിക്കുകയെന്നും താരം പറഞ്ഞു. ട്വന്റി ട്വന്റി ഗ്രൂപ്പ് നയിക്കുന്ന കിഴക്കമ്പലം പഞ്ചായത്ത് ഭരണസമിതി ഭവനരഹിതർക്കായി നിർമിച്ച അത്യാധുനിക വിലകളുടെ താക്കോല് കമൽ ചടങ്ങില് കൈമാറി. അധികാരം ലഭിച്ചാൽ ട്വന്റി ട്വന്റി മാതൃക തമിഴ്നാട്ടിൽ നടപ്പാക്കുമെന്നും കമൽ പറഞ്ഞു. തന്റെ രാഷ്ട്രീയപാര്ട്ടിയായ മക്കൾ നീതി മയ്യം ഈ വര്ഷം ആയിരുന്നു കമല്ഹാസന് പ്രഖ്യാപിച്ചത്.
