തിരുവനന്തപുരം: ശബരിമല കര്മ്മ സമിതി ഇന്ന് നടത്തുന്ന അയ്യപ്പജ്യോതി തെളിയിക്കലില് പങ്കെടുക്കാന് മുന് ഡിജിപി സെന്കുമാര് എത്തുമ്പോള് അദ്ദേഹം കഴിഞ്ഞ ദിവസം ചാനല് ചര്ച്ചയില് നടത്തിയ പ്രസ്താവനയും അതിന് സിപിഎം പ്രതിനിധി എ എ റഹീം നടത്തിയ കൗണ്ടറും സാമൂഹ്യ മാധ്യമങ്ങളില് ചര്ച്ചയാകുന്നു. വിവരം വച്ചാല് ആരും ആര്എസ്എസും സേവാഭാരതിയും ഒക്കെയാകുമെന്ന് സെന്കുമാറിന്റെ പ്രസ്താവനയ്ക്ക് ഒട്ടും വിവരമില്ലാതിരുന്ന സമയത്താണോ കേരളത്തിന്റെ ഡി.ജി.പിയായിട്ട് ഇരുന്നതെന്ന മറുചോദ്യമിട്ടായിരുന്നു റഹീമിന്റെ മറുപടി.
സെന്കുമാര് ആര്എസിഎസിന്റെ പ്രതിനിധിയായാണ് ചര്ച്ചയില് പങ്കെടുക്കുന്നത് എന്ന റഹീമിന്റെ ആരോപണത്തോടെ ആയിരുന്നു തുടക്കം. ഞാന് ഇപ്പോള് സേവാഭാരതിയുടെയോ കൂടെ പോയിട്ടുണ്ടെങ്കില് എനിക്ക് വിവരം വെച്ചത് കൊണ്ടാണെന്ന് മാത്രമേ പറയാനുള്ളൂ എന്നായിരുന്നു ഇതിന് സെന്കുമാറിന്റെ മറുപടി. തൊട്ടു പിന്നാലെ വന്നു റെഹീമിന്റെ കൗണ്ടര്. അപ്പോള് നിങ്ങള്ക്ക് യഥാര്ത്ഥത്തില് ഇപ്പോഴാണ് വിവരം വെച്ചത്. ഒട്ടും വിവരമില്ലാതിരുന്ന സമയത്താണ് കേരളത്തിന്റെ ഡി.ജി.പിയായിട്ട് ഇരുന്നതെന്നാണ് ഇപ്പോള് മനസിലാക്കാന് കഴിയുന്നത്.
ഒരു വിവരവുമില്ലാതിരുന്ന കാലത്താണല്ലോ ഇത്തരം പദവികളെല്ലാം ഏല്പ്പിച്ച് താങ്കളുടെ കീഴില് ഞങ്ങള് സുരക്ഷിതരാണെന്ന് തെറ്റിദ്ധരിച്ച് നടന്നത് ആലോചിച്ച് പോവുകയാണ് എന്നായിരുന്നു റഹീമിന്റെ മറുപടി. പരിഹാസം കലര്ന്ന മറുപടി സെന്കുമാറിന്റെ വായടപ്പിക്കുന്നതായിരുന്നു. ഇന്ന് വൈകിട്ട് ആറ് മണിയോടെയാണ് ബിജെപിയുടെ അയ്യപ്പജ്യോതി അരങ്ങേറുന്നത്. മഞ്ചേശ്വരത്ത് നിന്നും കളിയിക്കവിള വരെ വിളക്കു തെളിയിച്ചാണ് അയ്യപ്പജ്യോതി നടക്കുക. പരിപാടിയില് സെന്കുമാര് പങ്കെടുക്കുന്നതിന് വലിയ വാര്ത്താപ്രാധാന്യമാണ് ബിജെപി നല്കുന്നത്.
