ന്യുഡല്ഹി: പൊതു തെരഞ്ഞെടുപ്പ് അടുത്തുവരവേ അയോധ്യ കേസ് പരിഗണിക്കുന്നത് നേരത്തെയാക്കാന് കേന്ദ്രം സമ്മര്ദ്ദ നീക്കം തുടങ്ങി. അയോധ്യ കേസില് സുപ്രീം കോടതി എത്രയും വേഗത്തില് തീര്പ്പുണ്ടാക്കണമെന്ന് കേന്ദ്ര നിയമമന്ത്രി രവിശങ്കര് പ്രസാദ്. ശബരിമല വിഷയത്തില് വേഗത്തില് തീര്പ്പുണ്ടാക്കിയ കോടതിക്ക് ഈ കേസില് എന്തിനാണ് ഇത്ര മടിയെന്നും മന്ത്രി ചോദിക്കുന്നു.
അതുപോലെ തന്നെ കോടതികളില് പട്ടികജാതി, പട്ടിക വര്ഗ വിഭാഗങ്ങള്ക്ക് സംവരണം കൊണ്ടുവരണമെന്നും മന്ത്രി പറഞ്ഞു. ജുഡീഷ്യല് മേഖലയില് യു.പി.എസ്.സിയുടെ അഖിലേന്ത്യ പ്രവേശന പരീക്ഷ വഴിയാണ് തെരഞ്ഞെടുപ്പ് നടക്കുന്നതെങ്കില് പിന്നാക്ക വിഭാഗങ്ങള്ക്ക് കൂടുതല് പ്രാതിനിധ്യം ലഭിക്കാന് സംവരണം കൊണ്ടുവരുമെന്ന് തിങ്കളാഴ്ച ലഖ്നൗവില് ചേര്ന്ന ഓള് ഇന്ത്യ ലോയേഴ്സ് ബോര്ഡ് യോഗത്തില് മന്ത്രി ചൂണ്ടിക്കാട്ടി.
മികച്ച ജുഡീഷ്യല് സര്വീസില് ലോ സ്കൂളുകളില് നിന്നുള്ള ചെറുപ്പക്കാര് കൂടുതലായി ആകര്ഷിക്കപ്പെടും. അഡീഷണല് ജില്ലാ ജഡ്ജിമാരുടെ തലത്തിലേക്ക് മികച്ചവര് വരുന്നത് മാറ്റങ്ങള് കൊണ്ടുവരും. കൂടുതല് വേഗത്തിലും ഫലപ്രദമായും നീതിന്യായ സംവിധാനത്തെ കൊണ്ടുപോകാന് ഇവര്ക്ക് കഴിയുമെന്നും മന്ത്രി പറഞ്ഞു.
