കൊല്ലം: എല്.ഡി.എഫില് എത്തിയതില് അതീവ സന്തോഷവാന് ആണെന്നും മന്ത്രി സ്ഥാനം ഏറ്റെടുക്കാന് ആഗ്രഹിക്കുന്നില്ലെന്നും അദേഹം പറഞ്ഞു. എല്.ഡി.എഫിനോടൊപ്പം നിന്ന് അഴിമതിക്കെതിരെ പോരാടുമെന്നും ഗണേഷ് കുമാര് കൂട്ടിച്ചേര്ത്തു.
മന്ത്രിസ്ഥാനത്തിന് വേണ്ടിയല്ല ഇടതുമുന്നണിയില് ചേര്ന്നതെന്ന് ആര്.ബാലകൃഷ്ണപിള്ളയും നേരത്തെ പ്രതികരിച്ചിരുന്നു. കേരള കോണ്ഗ്രസ്(ബി)യെ ഇടത്് മുന്നണിയിലെടുത്തത് നല്ല തീരുമാനമാണെന്നും ബാലകൃഷ്ണപിള്ള അഭിപ്രായപ്പെട്ടു. ശബരിമല വിഷയത്തില് ഇടത്്പക്ഷത്തിന്റെ നിലപാട് തന്നെയാണ് പാര്ട്ടി നിലപാടെന്നും കേരള കോണ്ഗ്രസ് (ബി) നേതാവ് ആര്. ബാലകൃഷ്ണപിള്ള വിശദീകരിച്ചു.നാലു കക്ഷികള് എല്.ഡി.എഫില് ഒത്തുചേരുന്നതോടെ 47 ശതമാനത്തോളം വോട്ട് വര്ദ്ധനവുണ്ടാകുമെന്നും അദേഹം പറഞ്ഞു.
വീരേന്ദ്രകുമാറിനെയും, ബാലകൃഷ്ണപിള്ളെയെയും പാര്ട്ടിയില് ഉള്പ്പെടുത്തിയാണ് എല്.ഡി.എഫ് വിപുലീകരിച്ചത്്. കൂടാതെ എല്.ഡി.എഫിന്റെ വിപുലീകരണത്തിന് കേരള കോണ്ഗ്രസ് ബി, ലോക് താന്ത്രിക് ജനതാദള്, ജനാധിപത്യ കേരള കോണ്ഗ്രസ് ഐ.എന്.എല് എന്നീ പാര്ട്ടികളേയും സഖ്യം ചേര്ത്തിട്ടുണ്ട്. പാര്ലമെന്റ് തിരഞ്ഞെടുപ്പ് മുന്നോടിയായി പാര്ട്ടിയുടെ ജനകീയ പിന്തുണയ്ക്ക് കരുത്തേകാന് വേണ്ടിയാണ് അഴിച്ചു പണികള് നടത്തിയതെന്ന് എ. വിജയരാഘവന് വ്യക്തമാക്കി.
