ഒടുവില് നടി സേതുലക്ഷ്മി അമ്മയുടെയും മകന് കിഷോറിന്റെയും കണ്ണീരിനും പ്രാര്ത്ഥനകള്ക്കും ഫലമുണ്ടായി. കിഷോറിന് ഭാര്യ ലക്ഷ്മിയുടെ വൃക്ക ചേരുമെന്ന് ഡോക്ടര്മാര് വ്യക്തമാക്കി. ഭാര്യ ലക്ഷ്മിയുടെ വൃക്ക സ്വീകിരിക്കാന് തയ്യാറിയിരിക്കുകയാണ് കിഷോര്.
നേരത്തെ കിഷോറിന് വൃക്ക ദാനം ചെയ്യാന് തയ്യാറായി ചിലര് മുന്നോട്ട് വന്നെങ്കിലും മെഡിക്കല് പരിശോധനയില് പരാജയപ്പെട്ടു. ഇതോടെ എന്ത് ചെയ്യണമെന്നറിയാതെ നില്ക്കുകയായിരുന്നു സേതുലക്ഷ്മിയമ്മയും കുടുംബവും.
സേതുലക്ഷ്മി അമ്മയെ പോലെതന്നെ മലയാളികള്ക്ക് സുപരിചിതനാണ് കിഷോര്. നാടകങ്ങളിലും കോമഡി സ്കിറ്റുകളിലെയും സ്ഥിരം സാന്നിധ്യമായിരുന്നു. വൃക്കരോഗം പിടിപെട്ടതോടെ കിടപ്പിലായിരുന്നു കിഷോര്. പത്ത് വര്ഷമായി ഡയാലിസിസ് നടത്തിയാണ് ജീവന് പിടിച്ചു നിര്ത്തുന്നത്.
സേതുലക്ഷ്മിയുടെ അഭിനയത്തിലെ പ്രതിഫലം മാത്രമാണ് കുടുംബത്തിന്റെ ഏക വരുമാന മാര്ഗം. കിഷോറിനെ സഹായിക്കാനായി സുഹൃത്തുക്കള് ചേര്ന്ന് 'സൗഹൃദരാവ്' എന്ന പേരില് മെഗാഷോ ഒരുക്കുന്നുണ്ട്. ഫെബ്രുവരി 11ന് പൂജപ്പുര മൈതാനത്താണ് പരിപാടി.
