തിരുവനന്തപുരം: എന്ഡോസള്ഫാന് ദുരിതബാധിതര്ക്കുവേണ്ടി സെക്രട്ടറിയേറ്റിനു മുന്നില് നടത്തുന്ന നിരാഹാര സമരത്തെ തള്ളി ആരോഗ്യമന്ത്രി കെ.കെ. ശൈലജ. സെക്രട്ടറിയേറ്റിന് മുന്നില് എന്ഡോസള്ഫാന് ഇരകളായ കുട്ടികളെ പ്രദര്ശിപ്പിച്ച് സമരം ചെയ്യുന്നത് ശരിയല്ലെന്നാണ് സമരത്തെ തള്ളിക്കൊണ്ട് മന്ത്രിയുടെ പ്രതികരണം. വെള്ളിയാഴ്ച റവന്യൂ മന്ത്രിയുമായി നടത്തിയ ചര്ച്ച പരാജയപ്പെട്ടിരുന്നു.
ഞായറാഴ്ച മുഖ്യമന്ത്രി പിണറായി വിജയന്റെ വസതിയില്േക്ക് സങ്കടയാത്ര നടത്തുമെന്ന് എന്ഡോസള്ഫാന് ഇരകളുടെ കുടുംബാംഗങ്ങള് വ്യക്തമാക്കിയിട്ടുണ്ട്. ആരോഗ്യമന്ത്രി കുറ്റബോധം കൊണ്ടാണ് ഇങ്ങനെ പറയുന്നതെന്ന് ഇരകളോട് പിന്തുണ പ്രഖ്യാപിച്ച് ഒപ്പം സമരം ചെയ്യുന്ന സാമൂഹ്യപ്രവര്ത്തക ദയാബായ് പ്രതികരിച്ചു. ഈ സമരത്തില് കുട്ടികളെ പ്രദര്ശിപ്പിക്കുകയല്ല, ഇവിടെ ഇങ്ങനേയും ചിലരുണ്ടെന്ന് ലോകത്തിനു മുന്നില് കാണിച്ചുകൊടുക്കുകയാണെന്നും അവര് പറഞ്ഞു.
എന്ഡോസള്ഫാന് ഇരകള്ക്ക് എല്ലാ ആനുകൂല്യങ്ങളും നല്കിയെന്ന് അവരെ അറിയിച്ചതാണെന്ന് ചൂണ്ടിക്കാട്ടിയാണ് സമരത്തിനെതിരെ ആരോഗ്യമന്ത്രി രംഗത്ത് വന്നത്. കുട്ടികളെ സമരപ്പന്തലിലിരുത്തി കഷ്ടപ്പെടുത്തുകയാണെന്നും, സമരം തുടരുന്നതിന്റെ ലക്ഷ്യം എന്താണെന്ന് അറിയില്ലെന്നും കെ.കെ. ശൈലജ പറഞ്ഞു.
അര്ഹരായവരെ എല്ലാം പട്ടികയില് ഉള്പ്പെടുത്തണമെന്നതടക്കമുള്ള ആവശ്യങ്ങള് ഉന്നയിച്ചാണ് എന്ഡോസള്ഫാന് പീഡിത ജനകീയമുന്നണിയുടെ നേതൃത്വത്തില് എട്ട് കുടുംബങ്ങള് സെക്രട്ടറിയേറ്റിന് മുന്നില് സമരം തുടങ്ങിയത്. ചര്ച്ച നടത്തിയെങ്കിലും സമരക്കാരുടെ ആവശ്യം സര്ക്കാര് അംഗീകരിക്കാന് തയാറാകാതെ വന്നതോടെ ചര്ച്ച പരാജയപ്പെടുകയായിരുന്നു.
