ലണ്ടന്: കോടികള് തട്ടിച്ചു മുങ്ങിയ വിവാദ വ്യവസായി വിജയ് മല്യയെ ഇന്ത്യയിലേക്കു മടക്കി അയയ്ക്കാന് ബ്രിട്ടന്റെ തീരുമാനം. ഇതു സംബന്ധിച്ച ഉത്തരവില് യു.കെ. ആഭ്യന്തര സെക്രട്ടറി സാജിദ് ജാവിദ് ഒപ്പുവച്ചു. സര്ക്കാര് ഉത്തരവിനെതിരേ രണ്ടാഴ്ചയ്ക്കുള്ളില് മല്യയ്ക്കു മേല്ക്കോടതിയില് അപ്പീല് സമര്പ്പിക്കാന് അവസരമുണ്ട്.
വായ്പത്തട്ടിപ്പുകേസ് പ്രതിയായ മല്യയ്ക്ക് ഇന്ത്യയിലെ കേസുകളെ അഭിമുഖീകരിക്കേണ്ട ബാധ്യതയുണ്ടെന്നും മടക്കി അയയ്ക്കണമെന്നും കഴിഞ്ഞ ഡിസംബര് 10 ന് ലണ്ടനിലെ വെസ്റ്റ്മിന്സ്റ്റര് മജിസ്ട്രേറ്റ് കോടതി ഉത്തരവിട്ടിരുന്നു. ഉത്തരവ് പരിശോധിച്ചു തീരുമാനമെടുക്കാന് നിര്ദേശിച്ച് ഫയല് സര്ക്കാരിനു െകെമാറുകയും ചെയ്തു.
രണ്ടു മാസക്കാലാവധിയാണു പാകിസ്താന് വംശജനായ മുതിര്ന്ന മന്ത്രി സാജിദ് ജാവിദിനു മുന്നിലുണ്ടായിരുന്നത്. വിശദാംശങ്ങള് പരിശോധിച്ച് മല്യയുടെ നാടുകടത്തലിനു പച്ചക്കൊടികാട്ടി കഴിഞ്ഞ മൂന്നിന് ആഭ്യന്തര സെക്രട്ടറി ഫയലില് ഒപ്പുവയ്ക്കുകയായിരുന്നു.
അതേ സമയം, പി.എന്.ബി. തട്ടിപ്പ് കേസിലെ പ്രതി മെഹുല് ചോക്സിയെ ഇന്ത്യയിലെത്തിക്കാനുള്ള നടപടി കേന്ദ്ര സര്ക്കാര് ഊര്ജിതമാക്കി. അദ്ദേഹത്തെ വിട്ടുനല്കമെന്ന് ആന്റിഗ്വ കോടതിയില് ഇന്ത്യന് പ്രതിനിധി ആവശ്യപ്പെട്ടു. ചോക്സി ആന്റിഗ്വന് പാസ്പോര്ട്ട് എടുത്തതിനാല് അദ്ദേഹം തങ്ങളുടെ പൗരനാണെന്നാണു ആന്റ്വഗ്വയുടെ നിലപാട്. ഇതിനെതിരേയാണ് ഇന്ത്യ എംബസി കോടതിയിലെത്തിയത്.
