ന്യൂഡല്ഹി: ന്യൂസിലന്ഡിലെ മോസ്കുകളിലുണ്ടായ വെടിവയ്പ്പില് ഞെട്ടിയിരിക്കുകയാണ്. എന്നാല്, ഫെയ്സ്ബുക്ക് ലൈവില് എത്തി വെടിയുതിര്ത്തതില് പ്രതിഷേധിച്ച് എയര്എഷ്യ സിഇഒ ടോണി ഫെര്ണാണ്ടസ് ഫെയ്സ്ബുക്ക് അക്കൗണ്ട് ഉപേക്ഷിച്ചു. 6,70,000 ആളുകളാണ് ഫെയ്സ്ബുക്കില് അദ്ദേഹത്തെ ഫോളോ ചെയ്തിരുന്നത്.
തുടര്ച്ചയായ ട്വിറ്റുകളിലൂടെയാണ് അദ്ദേഹം ഇക്കാര്യം വിശദീകരിച്ചത്. സോഷ്യല് മീഡിയ വഴി വിദ്വേഷ പ്രചാരണം ശക്തമാകുന്നതും ഇതിനെതിരെ കമ്പനികള് യാതൊന്നും ചെയ്യാതിരിക്കുന്നതും ചൂണ്ടിക്കാണിച്ചാണ് ടോണി ഫെര്ണാണ്ടസ് പേജ് പൂട്ടുന്നത്.
ട്വിറ്ററില് താന് തുടരുമെന്ന് ടോണി ഫെര്ണാണ്ടസ് പറയുന്നുണ്ടെങ്കിലും ഇതും പ്രശ്നാധിഷ്ഠിതമാണെന്ന് അദ്ദേഹം അറിയിച്ചു. ഇപ്പോള് ഫേസ്ബുക്ക് ചെയ്തിരിക്കുന്നത് സഹിക്കാവുന്നതിലുമപ്പുറമാണെന്ന് ടോണി പറഞ്ഞു. ട്വിറ്ററില് 1.29 മില്യണ് ഫോളോവേഴ്സാണ് അദ്ദേഹത്തിനുള്ളത്.
ന്യൂസീലാന്ഡ് വെടിവെപ്പിന്റെ ലൈവ് സ്ട്രീമിങ് വീഡിയോകള് ഫേസ്ബുക്കില് വന്തോതില് പ്രചരിച്ചിരുന്നു. പിന്നീട് ഇതെല്ലാം ഫെയ്സ്ബുക്ക് തന്നെ നീക്കുകയായിരുന്നു. എങ്കിലും ഫെയ്സ്ബുക്കിന് നേരെ വന്പ്രതിഷേധമാണ് ഉയരുന്നത്.
