‘‘ഞാന് പ്ലാന് ചെയ്ത് നടത്തിയ കാര്യമായിരുന്നില്ല. അത് എനിക്ക് വീണു കിട്ടിയ അവസരമായിരുന്നു. ബട്ലര് എന്നെ ഒന്നു നോക്കുക പോലും ചെയ്യാതെ ക്രീസില് നിന്ന് കയറുകയായിരുന്നു. ഞാന് ക്രീസില് പോലുമായിരുന്നില്ല. ഐ.സി.സിയുടെ നിയമാവലിയില് അത് നിയമം ആയിരിക്കുന്ന കാലത്തോളം അത് നിയമം തന്നെയാണ്. മത്സരം തന്നെ മാറ്റിമറിക്കാന് ഇത്തരം സംഭവങ്ങള് നിര്ണ്ണായകമാകുമെങ്കില് അക്കാര്യത്തില് ജാഗ്രത പാലിക്കേണ്ടത് ബാറ്റ്സ്മാന്മാരുടെ കടമയല്ലേ.’’ ഐപിഎല്ലില് രാജസ്ഥാന് റോയല്സ് ഓപ്പണര് ജോസ് ബട്ളറെ പുറത്താക്കിയത് വിവാദം ഉണ്ടാക്കിക്കൊണ്ടിരിക്കെ ന്യായീകരണവുമായി പഞ്ചാബ് കിംഗ്സ് ഇലവന് നായകന് അശ്വിന് രംഗത്ത് വന്നു.
ആ റണ്ണൗട്ട് സ്വാഭാവികമായി സംഭവിച്ചതാണ്. പന്തെറിയും മുമ്പെ ബട്ലര് ക്രീസ് വിട്ടതുകൊണ്ടാണ് അത് സംഭവിച്ചത്. ഇക്കാര്യത്തെ സ്പോ ര്ട്സ്മാന് സ്പിരിറ്റ് എന്നു പറഞ്ഞ് വിമര്ശിക്കുന്നത് മനസ്സിലാകുന്നില്ലെന്നും അശ്വിന് പറഞ്ഞു. അതേസമയം വിവാദം ഉണ്ടാക്കുന്ന പ്രതികരണങ്ങള് നടത്തരുതെന്നാണ് നിര്ദേശം എന്നായിരുന്നു രാജസ്ഥാന് റോയല്സ് നായകന് അജിങ്ക്യാ രഹാനെ പ്രതികരിച്ചത്. ഈ സംഭവത്തെ സ്പോര്ട്സ്മാന് സ്പിരിറ്റില് എടുത്ത് മുന്നോട്ടു പോകാനാണ് ടീമിന്റെ തീരുമാനമെന്നും രഹാനെ വ്യക്തമാക്കി.
മികച്ച തുടക്കമാണ് കിട്ടിയത്. 24 പന്തില് 39 റണ്സ് നേടാനാകും എന്നാണ് കരുതിയത് രഹാനെ പറഞ്ഞു. 13ാം ഓവറിന്റെ അഞ്ചാം പന്ത് എറിയുമ്പോഴായിരുന്നു മത്സരം മാറ്റിമറിച്ച സംഭവം ഉണ്ടായത്. റണ്ണപ്പിനുശേഷം ആക്ഷനു തുടക്കമിട്ടെങ്കിലും ഇടയ്ക്കുവച്ച് നിര്ത്തിയ അശ്വിന് ബട്ലര് ക്രീസിനു പുറത്താണെന്ന് ഉറപ്പാക്കി ബെയ്ല്സ് ഇളക്കി. നോണ് സ്ട്രൈക്കേഴ്സ് എന്ഡില് ക്രീസിലുള്ള സഞ്ജുവിനെ മാത്രം നോക്കിയ ബട്ളര് അശ്വിനെ ശ്രദ്ധിക്കാതെ ക്രീസിനു പുറത്തേക്കു നീങ്ങിത്തുടങ്ങിയിരുന്നു. ബൗളിംഗ് ആക്ഷന് പാതി നിര്ത്തി സ്റ്റംപ് ചെയ്ത ശേഷമാണ് ബട്ളര് വിവരം അറിഞ്ഞത്. ഈ സമയം 43 പന്തില് 10 ബൗണ്ടറിയും ഒരു സിക്സറുമായി 69 റണ്സ് എടുത്തു നില്ക്കുകയായിരുന്നു ബട്ളര്.
കുറേ നേരം അശ്വിനുമായി തര്ക്കിച്ചെങ്കിലും ടെലിവിഷന് റീപ്ളേയില് സ്റ്റംപ് ചെയ്യുമ്പോള് ബട്ളര് പുറത്താണെന്ന് മനസ്സിലാക്കിയ അംപയര് ഒൗട്ട് വിധിക്കുകയും ചെയ്തു. രാജസ്ഥാന് റോയല്സ് വിജയത്തിലേക്ക് നീങ്ങിക്കൊണ്ടിരിക്കുമ്പോഴായിരുന്നു അശ്വിന്റെ ഈ പ്രയോഗം. ബൗള് ചെയ്യാന് അശ്വിന് തയ്യാറെടുക്കുമ്പോള് രാജസ്ഥാന് റോയല്സ് 12.4 ഓവറില് ഒരു വിക്കറ്റ് നഷ്ടത്തില് 108 റണ്സ് എന്ന നിലയിലായിരുന്നു. 44 പന്തും ഒമ്പതു വിക്കറ്റും ബാക്കിനില്ക്കെ രാജസ്ഥാന് ജയിക്കാന് 77 റണ്സ് മാത്രമായിരുന്നു വേണ്ടിയിരുന്നത്.
