ചെന്നൈ: ഡുപ്ലെസിയുടെ അര്ധ സെഞ്ചുറി മികവില് പഞ്ചാബിനെതിരെ ചെന്നൈ 161 റണ്സ് വിജയലക്ഷ്യം ഉയര്ത്തി. നാലാം വിക്കറ്റ് കൂട്ടുകെട്ടില് റായിഡു- ധോണി സഖ്യത്തിന്റെ റണ്സുയര്ത്താനുള്ള ശ്രമങ്ങള് 160 റണ്സിലാണ് എത്തിനിന്നത്. ടോസ് നേടി ആദ്യ ബാറ്റിങ്ങിനിറങ്ങിയ ചെന്നൈ മൂന്ന് വിക്കറ്റ് നഷ്ടത്തില് 160 റണ്സെടുക്കുകയായിരുന്നു. മറുപടി ബാറ്റിങ്ങിനിറങ്ങിയ പഞ്ചാബിന് തുടക്കം തന്നെ പിഴച്ചു. നാല് ഓവര് പിന്നിടുമ്പോള് രണ്ട് വിക്കറ്റ് നഷ്ടത്തില് 24 റണ്സെന്ന നിലയിലാണ്. അഞ്ച് റണ്സുമായി സര്ഫ്രാസ് ഖാനും 13 റണ്സുമായി കെഎല് രാഹുലുമാണ് ക്രീസില്. ഹര്ഭജന് സിങ് തന്റെ ആദ്യ ഓവറില് തന്നെ ക്രിസ് ഗെയ്ലിനേയും മായങ്ക് അഗര്വാളിനേയും പറിച്ച് പഞ്ചാബിന് ഇരട്ട ഷോക്ക് നല്കുകയായിരുന്നു. ഏഴു പന്തില് അഞ്ച് റണ്സുമായി ഗെയ്ല് മടങ്ങിയപ്പോള് റണ്ണൊന്നും എടുക്കാതെ ആയിരുന്നു അഗര്വാളിന്റെ മടക്കം.
ചെന്നൈയ്ക്ക് മികച്ച തുടക്കം സമ്മാനിച്ച വാട്സണിന്റെയും ഫാഫ് ഡു പ്ലെസിസിന്റെയും ഓപ്പണിങ് കൂട്ടുകെട്ട് 55 റണ്സില് എത്തിയപ്പോഴാണ് അശ്വിന് പൊളിച്ചത്.
24 പന്തില് മൂന്ന് ബൗണ്ടറിയും ഒരു സിക്സും സഹിതം 26 റണ്സെടുത്ത വാട്സണിന്റെ വിക്കറ്റാണ് ആദ്യം വീണത്. പിന്നാലെ ഡുപ്ലെസിസും റെയ്നും ചേര്ന്ന് സ്കോര് ഉയര്ത്താന് ശ്രമം നടത്തുന്നതിനിടെ 98 ല് എത്തിയപ്പോള് വീണ്ടും അശ്വിന്റെ തന്ത്രം ഡുപ്ലെസിയെ വീഴ്ത്തി. 38 പന്തില് രണ്ട് ബൗണ്ടറിയും നാല് സിക്സും സഹിതം 54 റണ്സായിരുന്നു ഡുപ്ലെസിയിയുടെ സമ്പാദ്യം. അശ്വിന്റെ തൊട്ടടുത്ത പന്തില് തന്നെ 17 റണ്സുമായി റെയ്നയും മടങ്ങി. 23 പന്തില് 37 റണ്സെടുത്ത എംഎസ് ധോണിയും 15 പന്തില് 21 റണ്സെടുത്ത അമ്പാട്ടി റായിഡുവും പുറത്താകാതെ നിന്നു. നാലാം വിക്കറ്റില് ധോണി- റായിഡു സഖ്യമാണ് 60 റണ്സ് കൂട്ടിച്ചേര്ത്തത്.
അശ്വിന് നാല് ഓവറില് 23 റണ്സ് വിട്ടുനല്കി മൂന്ന് വിക്കറ്റ് വീഴ്ത്തി. ഇരു ടീമുകളും നാലു മത്സരങ്ങളില് നിന്ന് ആറു പോയിന്റാണ്. ഇന്നത്തെ മത്സരത്തില് ജയിക്കുന്ന ടീം പോയിന്റ് പട്ടികയില് ഒന്നാമതെത്തും. ഐപിഎല്ലിലെ 18-ാമത്തെ മത്സരത്തിനിറങ്ങുന്ന പഞ്ചാബ് കിങ്സ് ഇലവന്റെയും ചെന്നൈ സൂപ്പര് കിങ്സിന്റെയും നായകന്മാരാരിലാണ് ആരാധകര് ഉറ്റുനോക്കുന്നത്. രവിചന്ദ്രന് അശ്വിനും എംഎസ് ധോണിയും നേര്ക്കുനേര് വരുന്ന മത്സരത്തില് നായക തന്ത്രങ്ങളാണ് ഇന്ന് ചെന്നൈ ചിദംബരം സ്റ്റേഡിയത്തില് വിരുന്നൊരുക്കുക.
Two key wickets for @harbhajan_singh in his very first over. The danger man Gayle and Agarwal depart.#KXIP 11/2 after 3 overs. pic.twitter.com/fUgRqUQPJs
— IndianPremierLeague (@IPL) April 6, 2019
