ബംഗലുരു: വരള്ച്ച പരിഹരിക്കാന് സര്ക്കാരിനെ കൊണ്ടു കഴിയാവുന്നതെല്ലാം ചെയ്തിട്ടും പരാജയപ്പെട്ടതോടെ മഴ പെയ്യാന് പൂജയും പ്രാര്ത്ഥനയുമായി കര്ണാടകാ മുഖ്യമന്ത്രി എച്ച് ഡി കുമാരസ്വാമി. ഋഷ്യശൃംഗ യാഗം നടത്തി മഴ പെയ്യിക്കാനാണ് ആലോചന. ശൃംഗേരി മഠത്തില് എല്ലാ തയ്യാറെടുപ്പുകളും നടത്തുകയാണ്. വരള്ച്ചയെ തുടര്ന്ന് ഏകദേശം 20 ലക്ഷം ഏക്കറില് കൃഷിനശിച്ചു കിടക്കുകയാണ്.
കര്ണാടകത്തിലെ 26 ജില്ലകളെ വരള്ച്ച പിടികൂടിയിരിക്കുകയാണ്. 2000 ലധികം ഗ്രാമങ്ങളാണ് കുടിവെള്ളം പോലും കിട്ടാതെ വിഷമിക്കുന്നത്. ഇതിനൊപ്പം കൃഷിനാശം കൂടി വന്നതോടെ കര്ഷകരും പ്രതിപക്ഷവും ഒരു പോലെ വിമര്ശനവുമായി രംഗത്ത് വന്നതോടെയാണ് ഇനി ദൈവത്തെ തന്നെ മഴയ്ക്കായി പ്രീതിപ്പെടുത്താന് കുമാരസ്വാമി തീരുമാനം എടുത്തിരിക്കുന്നത്. വരള്ച്ചയ്ക്ക് ഉപായം നിര്ദേശിച്ചു കൊടുത്തിരിക്കുന്നത് പ്രശസ്ത ജ്യോതിഷി ദ്വാരകാനാഥാണ്. ഇത്തവണ കാര്യമായി മഴ കിട്ടിയേക്കാന് സാധ്യതയില്ലെന്നും മഴ ദേവനായ വരുണന് കനിയാന് പൂജയും യാഗവും നടത്താനാണ് ജ്യോതിഷി മുഖ്യമന്ത്രിക്ക് കൊടുത്തിരിക്കുന്ന ഉപദേശം.
തുടര്ന്ന് മുഖ്യമന്ത്രി ശൃംഗേരി മഠത്തിന് നിര്ദേശം നല്കി. യാഗത്തിന്റെയു ഹോമത്തിന്റെയും കാര്യം മഠം അധികൃതരും സ്ഥിരീകരിച്ചതോടെ പൂജയ്ക്കെതിരേ ബിജെപിയും കര്ഷക സംഘടനകളും വിമര്ശനവുമായി എത്തിയിട്ടുണ്ട്. പൂജയ്ക്ക് മുടക്കുന്ന പണം കുടിവെള്ളം എത്തിക്കാന് ഉപയോഗിക്കാനാണ് കര്ഷക സംഘടനകളുടെ നിര്ദേശം. യാഗം നടത്തുകയല്ല വേണ്ടത് ദുരിതാശ്വാസ പ്രവര്ത്തനമാണെന്ന് ബിജെപിയും പറയുന്നു. എന്നാല് പരിപാടി ക്ഷേത്രഭരണ വകുപ്പിന്റേതാണ് എന്നാണ് കുമാരസ്വാമിയും മുഖ്യമന്ത്രിയുടെ ഓഫീസും പറഞ്ഞിരിക്കുന്നത്.
അതേസമയം കര്ണാടകത്തില് മഴയ്ക്ക് വേണ്ടി ഹോമം നടത്തുന്നത് നേരത്തേ സിദ്ധരാമയ്യ സര്ക്കാരും ചെയ്തിട്ടുണ്ട്. 2017 ല് കാവേരി തീരത്ത് 20 ലക്ഷം മുടക്കി ആയിരുന്നു ഹോമം. കടുത്ത വിശ്വാസിയായ കുമാരസ്വാമി ജ്യോതിഷ വിധി പ്രകാരമേ എല്ലാം ചെയ്യാറുള്ളൂ. നേരത്തേ മുഖ്യമന്ത്രി കസേരയില് ഇരുന്നപ്പോഴും മകനെ സ്ഥാനാര്ത്ഥി ആക്കിയപ്പോഴും ജ്യോതിഷികളുടെ ഉപദേശം കേട്ടിരുന്നു. ലോക്സഭാ തെരഞ്ഞെടുപ്പില് മാണ്ഡ്യയില് നിന്നും മത്സരിക്കുന്ന മകന് നിഖിലിനെ ജയിപ്പിക്കനായി കുമാരസ്വാമി ജ്യോതിഷികളുടെ സഹായം തേടിയത് വിവാദമായിരുന്നു. ഇന്റലിജന്റ്സ് നിഖില് തോല്ക്കുമെന്ന് പ്രവചിച്ചതോടെയാണ് പാട്ടും പ്രാര്ത്ഥനയും ക്ഷേത്ര ദര്ശനവും കുമരസ്വാമി നടത്തിയത്.
