വായുവില് നടക്കുന്ന പോലെ ഒരു അനുഭവം എന്നെങ്കിലും അനുഭവിച്ചിട്ടുണ്ടോ ? ഇല്ലെങ്കില് നേരെ വയനാട്ടിലേക്ക് പൊക്കോളു. പല വിദേശ രാജ്യങ്ങളിലും ശ്രദ്ധേയമായ ചില്ലു പാലം വയനാട്ടിലേക്കും വന്നു. പച്ചപ്പ് നിറഞ്ഞ മരങ്ങളും വനവും കണ്ട് ഈ പാലത്തിലൂടെ നടക്കാന് നിരവധിയാളുകളാണ് വയനാട്ടിലേക്ക് എത്തുന്നത്.
തെക്കന് ഇന്ത്യയില് ഇതാദ്യമായാണ് ഇത്തരത്തില് ഒരു ഗ്ലാസ് ബ്രിഡ്ജ് തുറന്നിരിക്കുന്നത്. വയനാട് മേപ്പടിയില് നിന്നും 13 കിലോമീറ്റര് അകലെയുള്ള തൊള്ളായിരം കണ്ടി എന്ന സ്ഥലത്താണ് ഈ ചില്ലുപാലം ഉള്ളത്. സ്വകാര്യ വ്യക്തിയുടെ ഉടമസ്ഥതയിലുള്ള പ്രദേശത്താണ് ഇത്തരമൊരും പുതിയ ആകര്ഷണം തയ്യാറാക്കി വച്ചിരിക്കുന്നത്.
തൊള്ളായിരം കണ്ടിവരെ സഞ്ചാരികള്ക്ക് സ്വകാര്യ വാഹനത്തില് പോകുവാന് സാധിക്കും. പിന്നീട് ജീപ്പ് സര്വീസ് മുഖാന്തരമാണ് പാലത്തിലേക്ക് എത്തുന്നത്. ഒരാള്ക്ക് നൂറ് രൂപയാണ് ഇവിടുത്തെ ഫീസ്.
പാലം നിര്മ്മിക്കുന്നതിന് ആവശ്യമായ ഫൈബര് ഗ്ലാസ് അടക്കമുള്ളത് ഇറ്റലിയില് നിന്നുമാണ് കൊണ്ടുവന്നിരിക്കുന്നത്. നല്ല ഉറപ്പുണ്ടെങ്കിലും ഒരു സമയത്ത് മൂന്ന് പേര്ക്ക് മാത്രമാണ് പാലത്തില് കയറുന്നതിന് അനുവാദമുള്ളത്.
കഴിഞ്ഞ ദിവസമാണ് ചൈനയില് ഇത്തരത്തിലുള്ള ലോകത്തിലെ ഏറ്റവും വലിയ ഗ്ലാസ് ബ്രിഡ്ജ് സഞ്ചാരികള്ക്ക് തുറന്നുകൊടുത്തത്. 100 മീറ്റര് ഉയരത്തിലുളള തൂക്കുപാലത്തിലാണ് ഇത്തരം ഗ്ലാസ് ബ്രിഡ്ജ് തുറന്നുകൊടുത്തത്.
