പാലക്കാട് : പി ശശിക്കെതിരേ പരാതി നല്കിയ വനിതാ നേതാവിന്റെ രാജി ഡിവൈഎഫ്ഐ തല്ക്കാലം സ്വീകരിക്കില്ല. യുവതി നല്കിയ കത്തിലെ ആരോപണങ്ങള് ചര്ച്ച ചെയ്ത ശേഷം തുടര് നടപടിയെടുക്കാനാണ് തീരുമാനം. നിലവിലെ രീതികളുമായി പൊരുത്തപ്പെട്ട് പോകാന് പറ്റില്ല എന്നും നേതൃസ്ഥാനം ഒഴിയുന്നതായും അറിയിച്ച് വനിതാനേതാവ് കത്ത് നല്കിയിരുന്നു. യുവതിയുടെ രാജി ഇപ്പോള് സ്വീകരിക്കേണ്ടെന്നും കത്തില് ഉന്നയിച്ച വിഷയങ്ങള് ചര്ച്ച ചെയ്യാനുമാണ് ഇപ്പോള് ജില്ലാ കമ്മറ്റി തീരുമാനിച്ചിട്ടുള്ളത്.
പി കെ ശശിക്കെതിരെ പരാതി നല്കിയതിനു പിന്തുണച്ച ജില്ലാ സെക്രട്ടറിയേറ്റംഗത്തെ തരം താഴ്ത്തിയതിനെതിരേയുള്ള പ്രതിഷേധം യുവതി കത്തില് കാണിച്ചിരുന്നു. യുവതിയുടെ രാജി ഇപ്പോള് സ്വീകരിക്കേണ്ടെന്നും കത്തില് ഉന്നയിച്ച വിഷയങ്ങള് ചര്ച്ച ചെയ്യാനുമാണ് ഇപ്പോള് ജില്ലാ കമ്മറ്റി തീരുമാനിച്ചിട്ടുള്ളത്. അതേസമയം യുവതി ഉന്നയിച്ച വിഷയങ്ങളില് ഇടപെടുന്നതിന് പരിമിതിയുണ്ടെന്ന നിലപാടിലാണ് ജില്ലാ നേതൃത്വം. യുവതിയെ പിന്തുണച്ച നേതാവിനെ വീണ്ടും ജില്ലാ സെക്രട്ടറിയേറ്റില് ഉള്പ്പെടുത്താന് കഴിയില്ല.
അതുകൊണ്ടുതന്നെ പേരിനു ചര്ച്ച ചെയ്ത് പ്രശ്നം അവസാനിപ്പിക്കാനാണ് സാധ്യത. അടുത്ത ആഴ്ച്ച ചേരുന്ന ഡിവൈഎഫ്ഐ സംസ്ഥാന കമ്മറ്റിക്ക് ശേഷമേ ഇക്കാര്യം ജില്ലാ കമ്മറ്റി ചര്ച്ച ചെയ്യൂ. പ്രശ്നത്തില് സംസ്ഥാന നേതൃത്വത്തിന്റെ ഇടപെടലും അംഗീകാരവും ജില്ലാ നേതൃത്വത്തിനു വേണം. പ്രധാന അജണ്ടയായി ഉള്പ്പെടുത്തി ചര്ച്ച ചെയ്യാനും നിലവില് ജില്ലാ നേതൃത്വത്തിന് താല്പര്യമില്ല. അതിനിടയില് വനിതാ നേതാവിനൊപ്പം നിലയുറപ്പിച്ചതിന് സംഘടനയില് തരംതാഴ്ത്തപ്പെട്ട നേതാവും രാജിസന്നദ്ധത അറിയിച്ചു. മണ്ണാര്ക്കാട് നിന്നുള്ള ജില്ലാ സെക്രട്ടേറിയറ്റ് അംഗത്തെയാണ് ഡി.െവെ.എഫ്.ഐ. പുനഃസംഘടനയുടെ ഭാഗമായി ജില്ലാ കമ്മിറ്റിയിലേക്ക് തരംതാഴ്ത്തിയത്.
ഇത് അപമാനിക്കുന്നതിനു തുല്യമാണെന്നും ഈ രീതിയില് സംഘടനയില് തുടരാനാവില്ലെന്നും കാണിച്ച് സി.പി.എം. ജില്ലാ നേതൃത്വത്തിനു കത്ത് നല്കിയതായാണ് വിവരം. ശശിക്കെതിരേ പാര്ട്ടിക്കു പരാതി നല്കിയ ഡി.െവെ.എഫ്.ഐ. ജില്ലാ കമ്മിറ്റി അംഗമായ യുവതി സംഘടനാ ചുമതലകളില്നിന്നു കഴിഞ്ഞ ദിവസം രാജിവച്ചിരുന്നു.
സംഘടനാ വേദികളിലും സാമൂഹിക മാധ്യമങ്ങളിലും അവഹേളിക്കാന് കൂട്ടുനിന്നവര്ക്ക് സ്ഥാനക്കയറ്റം നല്കിയതിലും യുവതിക്ക് കടുത്ത പ്രതിഷേധമുണ്ടായിരുന്നു. സെക്രട്ടേറിയറ്റ് യോഗങ്ങളിലെ ഹാജര് നില കുറവായാതുകൊണ്ടാണു യുവതിക്കൊപ്പം നിലകൊണ്ടയാളെ തരംതാഴ്ത്തിയതെന്നു നേതൃത്വം പറയുന്നത്. എന്നാല്, സ്ഥാനക്കയറ്റം ലഭിച്ച വ്യക്തിയും ഹാജര്നില കുറവായതിന്റെ പേരില് വിശദീകരണം നേരിട്ടയാളാണെന്നു മറുപക്ഷവും വാദിക്കുന്നു. പുനഃസംഘടനയെ തുടര്ന്ന് ഉടലെടുത്ത വിവാദങ്ങള് രൂക്ഷമായ ചേരിതിരിവിലേക്കാണ് നയിക്കുന്നത്.
വനിതാ നേതാവിന്റെ രാജിക്കത്ത് ജില്ലാ കമ്മിറ്റി ചര്ച്ചചെയ്യുമെന്നു ഡി.െവെ.എഫ്.ഐ ജില്ലാ സെക്രട്ടറി ടി.എം. ശശി മാധ്യമങ്ങളോട് പ്രതികരിച്ചു. നിലവില് പരാതികളൊന്നും ലഭിച്ചിട്ടില്ലെന്നും പരാതി കിട്ടിയാല് പരിശോധിക്കുമെന്നും സംസ്ഥാന സെക്രട്ടറി എ.എ. റഹീമും വ്യക്തമാക്കി.
