ന്യുഡല്ഹി: ഡല്ഹി മെട്രോയില് സ്ത്രീകള് നേരിടുന്ന കടുത്ത സുരക്ഷാവീഴ്ചയെ കുറിച്ച് തുറന്നെഴുതുകയാണ് 29കാരിയായ ഇന്റീരിയര് ഡിസൈനര്. വെള്ളിയാഴ്ച ഗുരുഗ്രാമിലെ സ്റ്റേഷനിലാണ് യുവതിക്കു നേരെ കണ്ടാല് അറയ്ക്കുന്ന വിധത്തിലുള്ള ലൈംഗികാതിക്രമം നടന്നത്.
ഹുഡ സിറ്റി മെട്രോ സ്റ്റേഷന് കോംപ്ലക്സിലെ എസ്കലേറ്ററിലാണ് സംഭവം. ഒരു സുഹൃത്തിനെ കാണാന് ഗുരുഗ്രാമില് എത്തിയ യുവതി സ്റ്റേഷനിലെ ഒന്നം നിലയിലുള്ള വസ്ത്രശാലയില് കയറി. തുടര്ന്ന് എസ്കലേറ്ററിലൂടെ താളേക്ക് ഇറങ്ങുകയായിരുന്നു.
ഈ സമയം തന്റെ പിന്ഭാഗത്ത് അസ്വഭാവികമായി എന്തോ സ്പര്ശിക്കുന്നതായി യുവതിക്കു തോന്നി. തിരിഞ്ഞുനോക്കിയപ്പോള് കണ്ട കാഴ്ച അവരെ ഞെട്ടിച്ചു. ഒരു യുവാവ് തന്റെ പിന്ഭാഗത്തുചേര്ന്നുനിന്ന് സ്വയംഭോഗം ചെയ്യുകയാണ്. ഭയന്നുവിറച്ചുപോയ താന് അയാളെ എതിര്ത്തുവെന്നും യുവതി പറയുന്നു.
ഈ സമയം അയാള് തന്റെദേഹത്തേക്ക് ശു€ം തെറിപ്പിക്കുകയും അസഭ്യം പറയുകയും ചെയ്തു. അയാളെ താന് അടിച്ചു. തന്റെ നേരെ അസഭ്യവര്ഷം നടത്തികൊണ്ട് വീണ്ടും അയാള് ശു€ം തെറിപ്പിച്ചു. തുടര്ന്ന് ഓടിരക്ഷപ്പെട്ടു. ഈ സമയം സഹായത്തിന് താന് വിളിച്ചുവെങ്കിലും ആരും എത്തിയില്ല. അവിടെയുണ്ടായിരുന്ന യാത്രക്കാര് എല്ലാം നിസ്സംഗരായി കാഴ്ച കണ്ടുനിന്നുവെന്നും യുവതി പറയുന്നു.
സംഭവത്തില് ഫേസ്ബുക്ക് വഴി പോലീസിനോട് പരാതിപ്പെട്ടുവെങ്കിലും ഒരു പ്രതികരണവും ലഭിച്ചില്ല. ഇതോടെ തന്നെ ഉപദ്രവിച്ചയാളെ തിരിച്ചറിയാന് സിസിടിവി ദൃശ്യങ്ങള് ആവശ്യപ്പെട്ട് ഡി.എം.ആര്.സിക്ക് പരാതി നല്കി. ഡല്ഹി മെട്രോയില് സ്ത്രീ സുരക്ഷയിലെ വീഴ്ച വ്യക്തമാക്കുന്ന ഈ സംഭവം യുവതി ട്വിറ്ററിലും പങ്കുവച്ചിട്ടുണ്ട്.
