ലീഡ്സ്: ലോകകപ്പ് തുടങ്ങുമ്പോള് അത്ര ഫോമിലല്ലായിരുന്ന ശ്രീലങ്കയുടെ ശരിക്കുള്ള മുഖം കണ്ടത് കപ്പുയര്ത്താന് സാധ്യതയുള്ളവരും ആതിഥേയരുമായ ഇംഗ്ളണ്ടിനെ 20 റണ്സിന് തോല്പ്പിച്ചതോടെ ആണ്.
കളിയില് മിന്നുന്ന ഫോം കാട്ടിയ ബൗളര് ലസിത് മലിംഗയെ പുകഴ്ത്താന് വാക്കുകള് കിട്ടാതെ ശ്രീലങ്കന് ആരാധകര് വിഷമിക്കുമ്പോള് കഴിഞ്ഞ ദിവസം മലിംഗയുടെ കുടവയറിനെ ചൂണ്ടി ട്രോളിയവര്ക്ക് മറുപടിയുമായി എത്തുകയാണ് മുന് നായകന് മഹേളാ ജയവര്ദ്ധനെ ആരാധകര് ട്രോളാന് ഉപയോഗിച്ച അതേ ചിത്രം പോസ്റ്റ് ചെയ്ത മഹേള കുടവയറനാണെങ്കിലും നാലു വിക്കറ്റ് വീഴ്ത്തിയല്ലോ എന്നാണ് പ്രതികരിച്ചത്.
ക്രിക്കറ്റില് ഫിറ്റ്നെസിനെ കടത്തിവെട്ടി മലിംഗ എന്ന ക്യാപ്ഷനോടെയാണ് ആള്ക്കാര് കുടവയറന് മലിംഗയുടെ ചിത്രം ഷെയര് ചെയ്യുമ്പോഴാണ് അതേ ചിത്രം ഉപയോഗിച്ചാണ് ജയവര്ദ്ധനെയും അഭിനന്ദിച്ചിരിക്കുന്നത്.
മലീ, നീ നന്നായി ബൗള് ചെയ്തു. നിന്റെ എല്ലാ ആരാധകര്ക്കുമായി ഏറെ ചര്ച്ച ചെയ്യപ്പെട്ട ഈ ചിത്രം ഞാന് പങ്കുവെയ്ക്കുന്നു എന്നായിരുന്നു ജയവര്ധനയുടെ അഭിനന്ദനം. ഇംണ്ടിനെതിരായ മത്സരത്തിനിടെ ഡ്രസ്സിങ് റൂമില് നിന്നുള്ള ഒരു ചിത്രമായിരുന്നു അത്.
ഷര്ട്ട് ഇടാത്ത ഈ ചിത്രത്തില് മലിംഗയുടെ കുടവയര് വ്യക്തമായി കാണാമായിരുന്നു. ഇതോടെ ലങ്കന് പേസ് ബൗളറെ ട്രോളി ആരാധകര് രംഗത്തെത്തുകയായിരുന്നു. 233 റണ്സ് വിജയലക്ഷ്യം പിന്തുടര്ന്ന ഇംണ്ട് 47 ഓവറില് 212 റണ്സിന് എല്ലാവരും പുറത്തായി. 10 ഓവറില് 43 റണ്സ് വഴങ്ങി നാല് വിക്കറ്റെടുത്ത മലിംഗയുടെ ബൗളിങ്ങാണ് ഇംണ്ടിനെ വെള്ളം കുടിപ്പിച്ചത്.
