ചെന്നൈ: കേരളം നല്കാമെന്നേറ്റ കുടിവെള്ളം നിരസിച്ചതിനെ തുടര്ന്ന് തമിഴ്നാട്ടില് രാഷ്ട്രീയ വിവാദം. അഴിമതിക്ക് സാധ്യതയില്ലാത്തതുകൊണ്ടാണ് കേരളത്തിന്റെ സഹായ വാഗ്ദാനം നിരസിച്ചതെന്ന് ഡി.എം.കെ അധ്യക്ഷന് എം.കെ സ്റ്റാലിന് ആരോപിച്ചു.
ജലക്ഷാമം രൂക്ഷമായ സാഹചര്യത്തില് കേരളത്തിന്റെ സഹായ വാഗ്ദാനം നിരസിച്ചതിനെതിരെയാണ് തമിഴ്നാട് സര്ക്കാരിനെ വിമര്ശച്ച് സ്റ്റാലിന് രംഗത്തെത്തിയത്. ഇതിന്റെ പശ്ചാത്തലത്തില് വെള്ളിയാഴ്ച പ്രത്യേക നിയമസഭാ സമ്മേളനം വിളിച്ചു ചേര്ക്കാന് സര്വ്വകക്ഷിയോഗത്തില് തീരുമാനമായി.
തമിഴ്നാടിന്റെ ദുരവസ്ഥ കണ്ടാണ് കേരളം സഹായത്തിനു തയ്യാറായത്. ജോലാര്പേട്ടില് നിന്നു വെള്ളം കൊണ്ടുവരാനുള്ള നീക്കം അഴിമതി നടത്താന് മാത്രമാണ്. കടല് വെള്ളം ശുദ്ധീകരിക്കാനുള്ള പദ്ധതിയാണ് ശാശ്വതമെന്നും സ്റ്റാലിന് പറഞ്ഞു.
