കൊല്കത്ത: രാജ്യത്ത് വളര്ന്നു വരുന്ന ആള്ക്കൂട്ട ആക്രമണത്തിനും അസഹിഷ്ണുതയ്ക്കുമെതിരെ തുറന്നകത്തെഴുതി തൃണമൂല് കോണ്ഗ്രസ്സ് എം.പി നുസ്റത്ത് ജഹാന്. ജയ്ശ്രീറാം വിളി ഇപ്പോള് കൊലവിളിയായിരിക്കുകയാണെന്നും ബി.ജെ.പി അധികാരത്തിലേറിയതിന് ശേഷമാണ് മുസ്ലീംങ്ങള്ക്കും ദലിതര്ക്കും നേരെ കൂടുതല് ആക്രണമുണ്ടായതെന്നും എം.പി കത്തില് പറയുന്നു.
ആള്കൂട്ട ആക്രമണം നടത്തുന്നവര് രാജ്യത്തിന്റെ ശത്രുക്കളാണ്. ബീഫ് കഴിച്ചതിന്റെ പേരിലും കാലിക്കടത്തിന്റെ പേരിലും ആളുകളേ തല്ലി കൊല്ലുകയാണ്. ജയ്ശ്രീറാം വിളികള് മുഴക്കിയുള്ള ആക്രമണങ്ങള്ക്കെതിരെ പ്രധാനമന്ത്രിക്ക് കത്തയച്ച കലാകാരന്മാരേയും നുസ്റത്ത് അഭിനന്ദിക്കുകയും കേന്ദ്രസര്ക്കാരിന്റെ മൗനത്തെ വിമര്ശിക്കുകയും ചെയ്തു.
ഗോരക്ഷകര് തല്ലിക്കൊന്ന മുഹമ്മദ് അഖ്ലാക്കിനേയും, ജാര്ഖണ്ഡില് ജയ്ശ്രീറാം വിളിക്കാത്തതിനു തല്ലിക്കൊന്ന തബ്രിസ് അന്സാരിയേയും കത്തില് പരാമര്ശിച്ചിട്ടുണ്ട്. മതം വിദ്വേഷമല്ല പഠിപ്പിക്കുന്നതെന്ന് സൂചിപ്പിച്ചാണ് കത്ത് അവസാനിപ്പിക്കുന്നത്. ആള്കൂട്ട ആക്രമണത്തിനെതിരെ നിയമ നിര്മ്മാണം വേണമെന്നും ഇവര് സര്ക്കാരിനോട് ആവശ്യപ്പെട്ടിട്ടുണ്ട്. വിവാഹ ശേഷം മംഗല്യസൂത്രവും സിന്ദൂരവും അണിഞ്ഞതിനും നുസ്റത്ത് ജഹാനെതിരെ വിമര്ശനങ്ങള് ഉയര്ന്നിരുന്നു.
