തിരുവനന്തപുരം : ഏതാനും ദിവസങ്ങള്ക്ക് മുന്പ് കത്തിക്കുത്ത് ഉള്പ്പെടെയുള്ള അനിഷ്ട സംഭവങ്ങള് അരങ്ങേറിയ യൂണിവേഴ്സിറ്റി കോളജിനുള്ളില് ഇനി പോലീസ് കാവലില്ല. സംഘര്ഷങ്ങളുടെ പശ്ചാത്തലത്തിലായിരുന്നു കോളജിന് പോലീസ് കാവല് ഏര്പ്പെടുത്തിയത്.
എന്നാല്, ബുധാഴ്ച ഉച്ചയോടെ കോളജിനുള്ളില് ഡ്യൂട്ടി ചെയ്യുകയായിരുന്ന പോലീസുകാരെ എസ്എഫ്ഐയിലെ ഒരു വിഭാഗം വിദ്യാര്ത്ഥികള് അസഭ്യം വിളിക്കുകയും പുറക്ക് കടക്കാന് ആവശ്യപ്പെടുകയും ചെയ്തു. ഒപ്പം പോലീസ് സുരക്ഷ തുടരണമെന്ന ആവശ്യം പ്രിന്സിപ്പളിന്റെ ഭാഗത്ത് നിന്നും ഉണ്ടായതുമില്ല. ഇതോടെയാണ് കോളജിനുള്ളില് നിന്നും പിന്വാങ്ങാന് പോലീസ് തീരുമാനിച്ചത്.
ഇതിനിടെ, കോളജില് നടന്ന അക്രമ സംഭവങ്ങളുമായി ബന്ധപ്പെട്ട ഒന്പതു പേരെക്കൂടി സസ്പെന്റ് ചെയ്തതായി പ്രിന്സിപ്പള് അറിയിച്ചു. കുത്തുകേസിലെ മുഖ്യപ്രതികള് ഉള്പ്പെടെ ആറുപേരെ നേരത്തെ സസ്പെന്റു ചെയ്തിരുന്നു. ഇതോടെ സസ്പെന്ഷനിലായവരുടെ എണ്ണം 15 ആയി.
