നമ്മുടെ നാട്ടില് ട്യൂഷന് അഭ്യസ്തവിദ്യര്ക്ക് താല്ക്കാലിക വരുമാനത്തിനുള്ള വേദിയെന്നാണ് പരമ്പരാഗത കാഴ്ചപ്പാട്. ഇതിന്റെ മേഖല വിശാലപ്പെടുത്തി ജീവിതമാര്ഗ്ഗമാക്കിയിട്ടുള്ളവരും കുറവല്ലെങ്കിലൂം ഇതിനെ സുപ്രധാന വരുമാന സ്രോതസ്സായി ആരും കരുതുന്നില്ല. എന്നാല് ഇന്ത്യയിലെ ഏറ്റവും പുതിയ കോടീശ്വരനായ ബൈജു രവീന്ദ്രന് ഈ മുന് ട്യൂഷന് മാസ്റ്ററാണ്.
പഠനം ലളിതവും അനായാസവുമാക്കാന് സ്വന്തമായി ഒരു ആപ്പ് വികസിപ്പിച്ച ബൈജൂസ് ആപ്സിന്റെ ഏഴു വര്ഷത്തെ മൂല്യം ആറ് ബില്യണ് ഡോളറാണ്. പരമ്പരാഗത വിദ്യാഭ്യാസ രീതിയെ ആനിമേഷന്റെ സഹായത്തോടെ ആധുനിക സാങ്കേതിക വിദ്യയോട് സമന്വയിപ്പിച്ച ബൈജുവിന്റെ ആപ്സിന് ലോകം മുഴുവന് ആരാധകര് ഏറുകയാണ്. ഈ മാസം ആദ്യം തിങ്ക് ആന്റ് പ്രൈവറ്റ് 150 ദശലക്ഷം ഡോളര് നേടിയതോടെ ബൈജു രവീന്ദ്രന് അപൂര്വ്വരുടെ ക്ളബ്ബിലേക്കാണ് കയറിയത്.
പഠന ആപ്സ് വന് ഹിറ്റായി മാറിയതോടെ വമ്പന്മാരായ വാള്ട്ട് ഡിസ്നി കോര്പ്പറേഷന് പോലെയുള്ള വമ്പന്മാരാണ് ബൈജുവിനോട് കൈ കൊടുക്കാന് കാത്തു നില്ക്കുന്നത്. 2020 ലേക്ക് വിഖ്യാതരായ വാള്ട്ട് ഡിസ്നിയുമായി കൈ കോര്ത്ത് അമേരിക്കന് തീരത്തേക്ക് ഇറങ്ങാന് ഒരുങ്ങുകയാണ് ബൈജുസ് ആപ്സ്. ഇന്ത്യന് വിദ്യാഭ്യാസ രംഗത്തെ വിനോദമാക്കി മാറ്റി എന്നതാണ് 37 കാരനായ ഈ വ്യവസായിയുടെ സിംപിളും അതേസമയം പവര്ഫുളുമായ ടെക്നിക്. ഡിസ്നി കൈകോര്ക്കുന്നതോടെ ഒന്നു മുതല് മൂന്ന് ക്ളാസ്സ് വരെയുള്ള കുട്ടികളെ പഠിപ്പിക്കാന് ഡിസ്നിയുടെ വിഖ്യാത ആനിമേഷന് കഥാപാത്രങ്ങളായ ലയണ് കിംഗ്സിലെ സിംബയും ഫ്രോസണിലെ അന്നയുമെല്ലാം കളികളിലൂടെയും കഥകളിലൂടെയും ചോദ്യോത്തരങ്ങളിലൂടെയും കണക്കും ഇംഗ്ളീഷും പഠിപ്പിക്കാനെത്തും.
പരമ്പരാഗതമായി പേപ്പര് കയ്യടക്കിയിരുന്ന പഠനത്തെ അത്യാധുനിക സങ്കേതമായ ഇന്റര്നെറ്റിലേക്ക് സമന്വയിപ്പിച്ചതാണ് ബൈജു ചെയ്തത്. വില കുറഞ്ഞ സ്മാര്ട്ട് ഫോണുകളും ചെലവ് കുറഞ്ഞ വയര്ലെസ് പ്ളാനുകളും വ്യാപകമായതോടെ ഓണ്ലൈന് പഠനം ഇന്ത്യന് മണ്ണില് ഉള്പ്പെടെ സ്ഫോടനാത്മകമായ വളര്ച്ച കൈവരിച്ചു കൊണ്ടിരിക്കുകയാണ്. 2020 ഓടെ ഇന്ത്യയുടെ ഓണ്ലൈന് മാര്ക്കറ്റ് 5.7 ബില്യണിന് മുകളിലാകുമെന്നാണ് സര്ക്കാര് പശ്ചാത്തലമായ ബ്രാന്ഡ് ഇക്വിലറ്റ് ഫൗണ്ടേഷന് ഉള്പ്പെടെയുള്ളവയുടെ പ്രതീക്ഷ.
ഇന്റര്നെറ്റ് മാര്ക്കറ്റില് കിന്റര്ഗാര്ട്ടന് മുതല് 12 ാം ക്ളാസ്സ് വരെയുള്ള സാങ്കേതിക വിദ്യാഭ്യാസമാണ് അതിവേഗം വളര്ന്നുകൊണ്ടിരിക്കുന്ന ഭാഗം. 2020 മാര്ച്ച് സാമ്പത്തീകവര്ഷത്തിന്റെ അവസാനത്തോടെ ബൈജു ലേണിംഗ് ആപ്സിന്റെ വരുമാനം 30 ബില്യന് രൂപയായി ഇരട്ടി നേടുമെന്നാണ് കണക്കാക്കുന്നത്. ആപ്സിന്റെ വളര്ച്ച വ്യവസായ ഭീമന്മാരായ അനേകരുടെ ശ്രദ്ധ പതിയാന് കാരണമായിട്ടുണ്ട്. നാസ്പെര്സ് വെഞ്ചേഴ്സ്, ടെന്സെന്റ് ഹോള്ഡിംഗ്സ് എന്നിവര്ക്ക് പുറമേ സെക്കോയാ ക്യാപിറ്റല്, ഫേസ്ബുക്കിന്റെ സ്ഥാപകന് മാര്ക്ക് സുക്കര്ബര്ഗിന്റെ പത്നി പ്രിസ്കില്ലാ ചാന് എന്നിവരെല്ലാം നിക്ഷേപം നടത്താന് കാത്തിരിക്കുന്നു.
ബുദ്ധിക്ക് വേണ്ടി വ്യവസായ രംഗത്തെ വമ്പന്മാര് കാത്തു നില്ക്കുന്ന ബൈജു ജനിച്ചത് വടക്കന് കേരളത്തിലെ ഒരു ഗ്രാമത്തിലായിരുന്നു. അദ്ധ്യാപകരായ മാതാപിതാക്കളുടെ പഠിക്കാന് അത്ര തിടുക്കം കാട്ടാത്ത പഠനത്തേക്കാള് കളിയെ ഇഷ്ടപ്പെടുകയും ഫുട്ബോള് മൈതാനത്ത് പതിവായി കറങ്ങുകയും ചെയ്തിരുന്ന ബൈജുവിന്റെ വളര്ച്ച വിസ്മകയകരമാണ്. എഞ്ചിനീയറിംഗ് കൈവരിച്ച ശേഷം സുഹൃത്തുക്കളെ ഇന്ത്യയിലെ വലിയ എഞ്ചിനീയറിംഗ്, മാനേജ്മെന്റ് സ്കൂളുകളില് പ്രവേശിക്കാനുള്ള പരീക്ഷാ സഹായിയായി മാറിയതാണ് വഴിത്തിരിവ്.
അദ്ധ്യയനത്തിന്റെ മികവും രസകരമായ രീതികളും ശ്രദ്ധേയമായതോടെ കുട്ടികള് കൂടി. സ്പോര്ട്സ് സ്റ്റേഡിയങ്ങളില് വരെ ക്ളാസ്സ് എടുക്കേണ്ടി വന്നു. തിരക്കേറി വന്നതോടെ നഗരങ്ങളില് നിന്നും നഗരങ്ങളിലേക്ക് സഞ്ചരിക്കുന്ന സെലിബ്രിട്ടി ട്യൂട്ടറായി ബൈജു മാറി. പിന്നീടായിരുന്നു തിങ്ക് ആന്റ് ലേണിന്റെ വരവ്. 2011 ല് ആള്ക്കാരെ ഓണ്ലൈന് വഴി പഠിപ്പിക്കുന്ന തിങ്ക് ആന്റ് ലേണ് വന്നു.
2015 ലായിരുന്നു വിഖ്യാതമായ ബൈജൂസ് ദി ലേണിംഗ് ആപ്പിന്റെ പിറവി. പരിപാടി വന് വിജയമായതോടെ 2019 മാര്ച്ച് അവസാനിക്കുമ്പോള് 35 ദശലക്ഷം പേരാണ് ബിസിനസിന്റെ ഭാഗമായത്. 10,000 മുതല് 12,000 വരെയുള്ള വാര്ഷിക ഫീസ് നല്കി 2.4 ദശലക്ഷം പേര് ഭാഗമായി. കുട്ടികളുടെ ചെറിയ ശ്രദ്ധ കണ്ടന്റുകളിലേക്ക് കൊണ്ടു വരിക എന്ന ലഘുതന്ത്രം മാത്രമാണ് ബൈജു ചെയ്തത്. ലോകം മുഴുവന് വലിയ പ്രേക്ഷകവൃന്ദമുള്ള ഡിസ്നിയെ പോലെയുള്ളവര് വഴി ആശയം പുറത്തു വരുമ്പോള് പുതിയ ലോകമായി ബൈജു ആപ്സ് മാറും. പുതിയ സംവിധാനം കൂടുതല് വിനോദകരമായ രീതിയിലാക്കാന് കഴിയും എന്നതാണ് ഡിസ്നി പങ്കാളിയാകുമ്പോള് സംഭവിക്കാനിരിക്കുന്ന ഏറ്റവും വലിയ കാര്യം.
