ന്യൂഡല്ഹി: പാര്ലമെന്റില് എം.പിമാരുടെ ഇരിപ്പിട ക്രമീകരണത്തില് മാറ്റം വരുത്തുന്നു. കേന്ദ്രമന്ത്രിമാരായ സ്മൃതി ഇറാനി, രവിശങ്കര് പ്രസാദ് തുടങ്ങിയവരുടെ സീറ്റ് മുന്നിരയിലാക്കിയതായി സ്പീക്കര് ഓം ബിര്ല അറിയിച്ചു. അടുത്ത സമ്മേളനം മുതല് പുതിയ രീതി നടപ്പിലാകും.
പ്രധാനമന്ത്രി നരേന്ദ്രമോഡി, പ്രതിരോധമന്ത്രി രാജ്നാഥ് സിംഗ്, ആഭ്യന്തരമന്ത്രി അമിത് ഷാ, ഗതാഗതമന്ത്രി നിതിന് ഗഡ്കരി, ഗ്രാമ വികസന മന്ത്രി നരേന്ദ്ര സിംഗ് തോമര്, എച്ച്.ഡി സദാനന്ദഗൗഡ എന്നിവരാണ് നിലവില് മുന് നിരയില് ഇരിക്കുന്നത്.
ബി.ജെ.പിയിലെ മാറുന്ന സമവാക്യങ്ങള് സൂചിപ്പിക്കുന്നതാണ് മുന് നിരയിലെ മാറ്റം. ഒന്നാം മോഡി സര്ക്കാരില് പ്രമുഖരായ എല്.കെ അദ്വാനി, സുഷമാ സ്വരാജ് തുടങ്ങിയ നേതാക്കളായിരുന്നു മുന്നിരയില് ഇരുന്നത്. ഇവരില് പലരും തെരഞ്ഞെടുപ്പില് മത്സരിക്കാതിരുന്നതിനാല് ലോക്സഭയില് ഇല്ല.
