തിരുവനന്തപുരം: ബംഗാള് ഉള്ക്കടലില് വീണ്ടും ന്യൂനമര്ദ്ദം രൂപപ്പെടുന്നു. വടക്കു-കിഴക്കന് ബംഗാള് ഉള്ക്കടലില് രൂപപ്പെട്ട ചുഴി അടുത്ത 24 മണിക്കൂറിനുള്ളില് ന്യൂനമര്ദ്ദമായി മാറുമെന്നാണ് കാലാവസ്ഥാ വിദഗ്ധര് നല്കുന്ന മുന്നറിയിപ്പ്. ന്യൂനര്ദ്ദമായി മാറിവടക്കു പടിഞ്ഞാറന് ദിശയിലേക്ക് സഞ്ചരിക്കാനാണ് സാധ്യത. ഇതോടെ സംസ്ഥാനത്ത് പരക്കെ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
തീരപ്രദേശങ്ങളിലും, പ്രത്യേകിച്ചും മധ്യമേഖലയിലും തെക്കന് കേരളത്തിലും ശക്തമായ മഴ ലഭിക്കുമെന്നാണ് കരുതുന്നത്. എന്നാല് അതിതീവ്ര മഴ ഇക്കുറിയുണ്ടാവില്ലെന്നും അതിനാല് ആശങ്കപ്പെടേണ്ട സഹാചര്യമില്ലെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
ന്യൂനമര്ദ്ദം രൂപപ്പെടുന്നതോടെ വരും മണിക്കൂറുകളില് ഒഡീഷ, ജാര്ഖണ്ഡിന്റെ തെക്കന് ഭാഗങ്ങള്, ഛത്തീസ്ഗഡിന്റെ വടക്കന് ഭാഗങ്ങള്, കിഴക്കന് മധ്യ പ്രദേശ് എന്നിവിടങ്ങളില് തീവ്ര മഴ ലഭിക്കുമെന്നും കാലാവസ്ഥാ വിദഗ്ധര് വ്യക്തമാക്കുന്നു. കേരളത്തില് പലയിടത്തും ഒറ്റപ്പെട്ട ശക്തമായ മഴയ്ക്കും സാധ്യത പ്രവചിക്കപ്പെടുന്നുണ്ട്.
