കല്പറ്റ : പ്രളയത്തില് എല്ലാം നഷ്ട്ടപ്പെട്ട ചൂരല്മല സ്വദേശി റാബിയക്കും പേരാമ്പ്ര സ്വദേശി മുഹമ്മദ് ഷാഫിക്കും ദുരിതാശ്വാസ ക്യാമ്പില് വിവാഹം. ജുമൈലത്തിയുടെ മകളാണ് റായിബ.
കേരളത്തില് ഉണ്ടായ പ്രളയത്തില് ജുമൈലത്തിന്റെ വീട് നഷ്ടമായി. ഈ നഷ്ട്ടത്തില് മകളുടെ കല്യാണത്തിന് വേണ്ടി സ്വരുക്കൂട്ടിവെച്ച വസ്ത്രങ്ങളും പണവുമെല്ലാം നശിച്ചു. ഇതോടെ മകളുടെ വിവാഹം നടത്താന് സാധിക്കുമോ എന്നായിരുന്നു ജുമൈലത്തിന്റെ ആശങ്ക.
എന്നാല് എന്ത് വന്നാലും നിശ്ചയിച്ച ദിവസം തന്നെ വിവാഹം നടക്കുമെന്ന് വരന് മുഹമ്മദ് ഷാഫി ഇവര്ക്ക് ഉറപ്പ് നല്കി. തൊട്ടുപിന്നാലെ നിരവധി പേരുടെ സഹായവും ഇവരെ തേടിയെത്തി. തുടര്ന്ന് ഓഗസ്റ്റ് 18 ന് രാവിലെ മേപ്പാടി സെന്റ് ജോസഫ് സ്കൂളിലെ ദുരിതാശ്വാസ ക്യാമ്പിലായിരുന്നു വിവാഹ ചടങ്ങുകള്. ക്യാമ്പിലുള്ളവര്ക്കും അതിഥികളായി എത്തിയവര്ക്കും വിവാഹസദ്യയും ഒരുക്കിയിരുന്നു.
വയനാട് ജില്ലാ കളക്ടറും ക്യാമ്പിലെത്തി ഇരുവര്ക്കും വിവാഹ മംഗളാശംസകളും നേര്ന്നു.
