തിരുവനന്തപുരം : യൂണിവേഴ്സിറ്റി കോളജില് പെണ്കുട്ടിയെ തടഞ്ഞു നിര്ത്തി രാഖി പൊട്ടിക്കാന് ശ്രമിച്ച എസ്.എഫ്.ഐ പ്രവര്ത്തകനായ വിദ്യാര്ത്ഥിക്ക് സസ്പെന്ഷന്. വിദ്യാര്ത്ഥിയെ സസ്പെന്റു ചെയ്തുകൊണ്ടുള്ള ഉത്തരവ് കഴിഞ്ഞ ദിവസം ഇറങ്ങിയെങ്കിലും കോളജ് അധികൃതര് സംഭവം രഹസ്യമാക്കി വയ്ക്കുകയായിരുന്നു.
കോളജിലെ ഹിസ്റ്ററി വിഭാഗത്തിലെ പി.ജി വിദ്യാര്ത്ഥിനിയോടാണ് എസ്.എഫ്.ഐ പ്രവര്ത്തകര് അപമര്യാദയായി പെരുമാറിയത്. കയ്യില് രാഖി ധരിച്ചത് ചോദ്യം ചെയ്ത് എത്തിയ എസ്.എഫ്.ഐ പ്രവര്ത്തകര് വിദ്യാര്ത്ഥിനിയോട് രാഖി പൊട്ടിച്ചു കളയാന് ആവശ്യപ്പെടുകയായിരുന്നു. എന്നാല്, ഭീഷണിക്ക് ചെവിക്കൊള്ളാതിരുന്ന വിദ്യാര്ത്ഥിനിയെ ഭയപ്പെടുത്താനായി ക്ലാസിലെ ജനല്ച്ചില്ല് എസ്.എഫ്.ഐ നേതാവ് അടിച്ചു പൊട്ടിച്ചു. തുടര്ന്ന് ഭയന്ന പെണ്കുട്ടി രാഖി അഴിച്ചു മാറ്റുകയായിരുന്നു.
സംഭവത്തില് വിദ്യാര്ത്ഥിനി പ്രിന്സിപ്പാളിന് പരാി നല്കിയതോടെയാണ് നടപടിയെടുക്കാന് പ്രിന്സിപ്പാള് തീരുമാനിച്ചത്.
കത്തിക്കുത്ത് ഉള്പ്പെടെയുള്ള കാമ്പസ് അക്രമണങ്ങളെ തുടര്ന്ന് വാര്ത്തകളില് നിറഞ്ഞിട്ടും യൂണിവേഴ്സിറ്റിലെ സ്ഥിതി ശാന്തമല്ല എന്നതിന് തെളിവാണ് പുതിയ സംഭവം.
