സ്വിറ്റ്സര്ലാന്ഡ് : ലോക ബാഡ്മിന്റണ് ചാമ്പ്യന്ഷിപ്പ് ഇന്ത്യയുടെ പി വി സിന്ധു സെമി ഫൈനലില്. ക്വാര്ട്ടറില് ലോക രണ്ടാം നമ്പര് താരവും രണ്ടാം സീഡുമായ ചൈനീസ് തായ്പെയുടെ ടായ് സു യിങ്ങിനെ പരാജയപ്പെടുത്തിയാണ് സിന്ധു സെമി ഫൈനലില് കടന്നത്. അഞ്ചാം സീഡാണ് സിന്ധു. ഇതോടെ സിന്ധു ഒരു മെഡല് ഉറപ്പിച്ചു.
മൂന്ന് മത്സരത്തിനൊടുവിലാണ് സിന്ധു വിജയം നേടിയത്. ആദ്യ ഗെയിമില് 12=21 നഷ്ട്ടപ്പെടുത്തിയ സിന്ധു മറ്റ് രണ്ട് ഗെയിമിലും ഞെട്ടിക്കുന്ന തിരിച്ചുവരവാണ് നടത്തിയത്. രണ്ടാം ഗെയിമില് 23=21 ന് സിന്ധു പ്രതീക്ഷ നിലനിര്ത്തുകയും നിര്ണ്ണായകമായ മൂന്നാം ഗെയിമില് സിന്ധു 21=19 ന് വിജയിച്ച സെമി ഒറിപ്പിച്ചു. ഒരു മണിക്കൂറും 11 മിനറ്റും മത്സരം നീണ്ട് നിന്നു.
യിങ്ങിനെതിരെ സിന്ധു നേടുന്ന നാലാമത്തെ വിജയമാണിത്. എന്നാല് സിന്ധിവിനെ 10 മത്സരങ്ങളില് യങ് തോല്പ്പിച്ചിട്ടുണ്ട്. 2016 റിയോ ഒളിമ്പിക്സില് യങിനെ തോല്പ്പിച്ചാണ് സിന്ധു ക്വാര്ട്ടറില് കടന്നത്. എട്ട് മാസങ്ങള്ക്ക് ശേഷമാണ് സിന്ധുവും യങ്ങും കോര്ട്ടില് ഏറ്റമുട്ടുന്നത്.
അതേസമയം, രണ്ടാമത് നടന്ന പുരുഷ സിംഗള്സില് ഇന്ത്യയുടെ സായി പ്രണീതും സെമി ഫൈനലിലേക്ക് കിടന്നു. ഇന്ഡോനേഷ്യയുടെ ജോണാദന് ക്രിസ്റ്റിയെ പരാജയപ്പെടുത്തിയാണ് സായി സെമിയില് പ്രവേശിച്ചത്. നേരിട്ടുള്ള ഗെയിമുകള്ക്കാണ് സായി വിജയം നേടിയത്. സ്കോര് : 24=22, 21=14
