തനിക്കുണ്ടായ ദുരനുഭവങ്ങള് പങ്കുവെച്ചിരിക്കുകയാണ് തെലുങ്ക് നടി പായല് രാജ്പുത്. ലൈംഗിക ഒത്താശയ്ക്കു നിന്നു കൊടുത്താല് ബിഗ്ബജറ്റ് ചിത്രത്തില് അവസരം നല്കാമെന്ന് പറഞ്ഞ് ചിലര് തന്നെ സമീപിച്ചിരുന്നതായി താരം വെളിപ്പെടുത്തി. നായകനുമായി ലിപ്ലോക്ക് രംഗങ്ങളില് അഭിനയിച്ചാലോ ഹോട്ട് ഫോട്ടോഷൂട്ട് നടത്തിയാലോ യഥാര്ഥ ജീവിതത്തില് എന്തിനും വഴങ്ങുന്ന ഒരാളാണ് ആ നടിയെന്ന് ധരിക്കരുതെന്നും നടി പറഞ്ഞു. ആര്എക്സ് 100 എന്ന തെലുങ്ക് ചിത്രത്തിലെ ചൂടന് രംഗങ്ങളിലൂടെയാണ് പായല് കൂടുതല് ശ്രദ്ധിക്കപ്പെടുന്നത്. ഒരു പ്രമുഖ ദിനപത്രത്തിന് നല്കിയ അഭിമുഖത്തിലാണ് താരത്തിന്റെ വെളിപ്പെടുത്തല്.
ആര്എക്സ് 100 എന്ന ചിത്രം റിലീസ് ആയതിനുശേഷമാണ് ദുരനുഭവങ്ങള് കൂടുതലായി നേരിടേണ്ടി വന്നുവെന്ന് പായല് പറഞ്ഞു. ഒരു ചിത്രത്തില് ചൂടന് രംഗങ്ങളില് അഭിനയിച്ചെന്നു കരുതി സിനിമയില് അവസരങ്ങള് കിട്ടുന്നതിന് ഞാനെന്തിനും വഴങ്ങുമെന്ന് ധരിക്കരുത്. ആറു വര്ഷമായി അഭിനയരംഗത്ത് സജീവമാണ്. തെലുങ്കിനു മുന്പ് ഹിന്ദി സിനിമകളിലും പഞ്ചാബി സിനിമകളിലും അഭിനയിച്ചിട്ടുണ്ട്. ബോളിവുഡിലും പോളിവുഡിലും കാസ്റ്റിങ് കൗച്ച് അനുഭവങ്ങള് ഉണ്ടായിട്ടുണ്ട്. തുടക്കം മുതലെ ഇത്തരം ആവശ്യങ്ങളുമായി സമീപിക്കുന്നവരോട് ശക്തമായ ഭാഷയില് പ്രതികരിച്ചിട്ടുണ്ട്. അതുകൊണ്ട് ഈ പ്രവണത അവസാനിക്കുമെന്ന് തോന്നുന്നില്ല.- പായല് പറഞ്ഞു.
മീ ടൂ ക്യാംപെയ്ന് സജീവമായിട്ടും ഇത്തരം സംഭവങ്ങള് ആവര്ത്തിക്കുന്നത് ദുഃഖകരമാണ്. സിനിമയില് മാത്രമല്ല, മറ്റെല്ലാ മേഖലകളിലും ഈ പ്രവണതയുണ്ട്. കുറച്ചു പേര് മാത്രമാണ് അത്തരം അനുഭവങ്ങള് തുറന്നു പറയുന്നത്. കാര്യങ്ങള് വെട്ടിത്തുറന്നു പറയുന്നതാണ് എന്റെ ശീലം. വ്യക്തിത്വം പണയം വച്ച് ലഭിക്കുന്ന അവസരങ്ങള് എനിക്ക് ആവശ്യമില്ല, പായല് വ്യക്തമാക്കി.
