കൊച്ചി : പിറവം പള്ളി പ്രവേശനം സംബന്ധ ിച്ച് ഹൈക്കോടതിയില് സംസ്ഥാന സര്ക്കാരിന്റെ സത്യവാങ്മൂലം. മലങ്കര സഭയുടെ 1934 ലെ ഭരണഘടന അംഗീരിക്കുന്നവരെ മാത്രമേ പള്ളിയില് പ്രവേശിപ്പിക്കൂ എന്നാണ് സത്യവാങ്മൂലം. പള്ളിയില് പ്രവേശിക്കുന്നവര് ഇക്കാര്യം പോലീസിന് എഴുതി നല്കണമെന്ന് ഹൈക്കോടതിയില് നല്കിയ സത്യവാങ്മൂലത്തില് പറയുന്നു.
സുപ്രീംകോടതി വിധി അനുസരിച്ച് പള്ളിയില് പ്രവേശിക്കുന്നതിന് അനുമതി തേടി ഓര്ത്തഡോക്സ് സഭ നല്കിയ നല്കിയ ഹര്ജിയിലാണ് പിറവം പോലീസ് ഹൈക്കോടതിയില് സത്യവാങ്മൂലം നല്കിയത്. ആരാധനാ ചടങ്ങുകള് തുടങ്ങുന്നതിന് ഒരു മണിക്കൂര് മുന്പ് മാത്രമേ പള്ളിയിലേയ്ക്ക് പ്രവേശനം അനുവദിക്കൂ എന്ന് പോലീസ് പറയുന്നു.
ചടങ്ങുകള് കഴിഞ്ഞ് 15 മിനിട്ടിനുള്ളില് പള്ളിയില് നിന്നും പുറത്ത് പോകണം. ഒരേസമയം 250ല് ഏറെ ആളുകള്ക്ക് പള്ളിയില് പ്രവേശനം അനുവദിക്കില്ല. വികാരി ഉള്പ്പെടെ 10 പേര്ക്ക് മാത്രമാകും ചടങ്ങുകള്ക്ക് നേതൃത്വം നല്കുന്നതിന് പള്ളിയില് പ്രവേശനം അനുവദിക്കുക. സഭാ കേസില് സുപ്രീംകോടതി വിധി ഘട്ടംഘട്ടമായി നടപ്പാക്കുമെന്ന് സര്ക്കാര് കോടതിയെ അറിയിച്ചു. വിശ്വാസികളുടെ വികാരവും മതപരമായ അവകാശങ്ങളും സംരക്ഷിച്ചുകൊണ്ടാകും വിധി നടപ്പാക്കുകയെന്നും സര്ക്കാര് വ്യക്തമാക്കി.
