ചണ്ഡിഗഢ്: റാലിയില് സംസാരിക്കുന്നതിനിടെ തന്റെ തലയില് കിരീടം വയ്ക്കാന് ശ്രമിച്ച പ്രവര്ത്തകനെ ഭീഷണിപ്പെടുത്തി ബി.ജെ.പി നേതാവും ഹരിയാന മുഖ്യമന്ത്രിയുമായ മനോഹര് ലാല് ഖട്ടാര്. 'ഞാന് നിങ്ങളുടെ തല വെട്ടും' എന്നാണ് ഖട്ടാറുടെ ഭീഷണി. ഒരു കോടാലിയും കയ്യില് പിടിച്ച് സംസാരിക്കുന്നതിനിടെയാണ് പ്രവര്ത്തകന് പിന്നില് നിന്ന് കിരീടം വയ്ക്കാന് ശ്രമിച്ചത്. ഇതോടെ കുപിതനായ ഖട്ടാര് പിന്നിലേക്ക് തിരിഞ്ഞ് ഭീഷണിപ്പെടുത്തുകയായിരുന്നു. കയ്യിലിരുന്ന മൈക്കിലൂടെ ഈ ഭീഷണി നാട്ടുകാര് മുഴുവന് കേട്ടു. ഇതിന്റെ വീഡിയോ ദൃശ്യം ഇന്നലെ കോണ്ഗ്രസ് വക്താവ് റണ്ദീപ് സിംഗ് സുര്ജെവാല ട്വീറ്റ് ചെയ്തു.
അതേസമയം, തന്റെ പ്രകോപനത്തിന് കൃത്യമായ മറുപടിയും ഖട്ടാറിനുണ്ട്. പാര്ട്ടിയില് ഇത്തരം ആചാരങ്ങള് താന് അധികാരത്തിലെത്തിയ ശേഷം നിര്ത്തലാക്കിയതാണ്. തന്റെ തലയില് ആരെങ്കിലും വെള്ളിക്കിരീടം വയ്ക്കാന് ശ്രമിച്ചാല്, അവര് പാര്ട്ടി പ്രവര്ത്തകര് ആണെങ്കില് പോലും താന് കുപിതനാകും. അത് സഹിക്കാന് തനിക്ക് കഴിയില്ല.- ഖട്ടാര് പറയുന്നു.
ഇക്കാര്യത്തില് പാര്ട്ടി പ്രവര്ത്തകര് വിഷമിച്ചിട്ട് കാര്യമില്ലെന്നും അദ്ദേഹം പറയുന്നു. അടുത്തിടെ ഖട്ടാര് നടത്തിയ 'ജയ് ആശിര്വാദ് യാത്ര'യ്ക്കിടെ ഒരു മിനി ട്രക്കിന്റെ മുകളില് നിന്ന് പ്രസംഗിക്കുന്നതിനിടെയാണ് പാര്ട്ടി പ്രവര്ത്തകന് അദ്ദേഹത്തെ കിരീടം അണിയിക്കാന് ശ്രമിച്ചത്.
ഖട്ടാറിന് ഒരു ഉപദേശവുമായാണ് സുര്ജെവാല ഈ വീഡിയോ പോസ്റ്റ് ചെയ്തത്. ദേഷ്യവും അഹങ്കാരവും ആരോഗ്യത്തിന് ഹാനികരമാണ്. സ്വന്തം പ്രവര്ത്തകരോടാണ് അദ്ദേഹം ഇങ്ങനെ പറയുന്നത്.' എന്നും സുര്ജെവാല പറയുന്നു.
ग़ुस्सा और अहंकार सेहत के लिए हानिकारक हैं!
खट्टर साहेब को ग़ुस्सा क्यों आता है?
फरसा लेकर अपने ही नेता को कहते हैं -
"गर्दन काट दूंगा तेरी" ⬇️
फिर जनता के साथ क्या करेंगे? pic.twitter.com/hCQJAlG7Sx— Randeep Singh Surjewala (@rssurjewala) September 11, 2019
