സനിമ മേഖയിലെ കാസ്റ്റിംഗ് കൗച്ച് വെളിപ്പെടുത്തി നിരവധി താരങ്ങള് രംഗത്തെത്തിയിട്ടുണ്ട്. ഇത്തരത്തില് ഏറ്റവും ഒടുവിലായി വെളിപ്പെടുത്തല് നടത്തിയിരിക്കുന്നത് സെറീന് ഖാനാണ്. സൂപ്പര് നായകന് സല്മാന് ഖാന്റെ നായികയായി എത്തിയതോടെയാണ് സെറീന് ഖാന് ബോളിവുഡില് കൂടുതലും ശ്രദ്ധിക്കപ്പെടുന്നത്.
ഒരു സിനിമയുടെ ചുംബനരംഗം റിഹേഴ്സല് ചെയ്യണമെന്ന് സംവിധായകന് സെറീന് ഖാനോട് ആവശ്യപ്പെട്ടു. ചിത്രീകരണത്തിന് മുമ്പ് സംവിധയകനൊപ്പം ചുംബനരംഗം റിഹേഴ്സ് ചെയ്യണമെന്നായിരുന്നു ആവശ്യം. എന്നാല് പുതുമുഖമായിരുന്നിട്ടുകൂടി സംവിധായകന്റെ ആവശ്യം താന് അന്ന് നിരസിച്ചുവെന്നും നടി പറയുന്നു. പിങ്ക് വില്ലയ്ക്ക് നല്കിയ അഭിമുഖത്തിലാണ് താരം ഇക്കാര്യം പറയുന്നത്.
'പിന്നീട് ഒരിക്കല് ഷൂട്ടിങിനിടെ സുഹൃത്തായ ഒരാള് സുഹൃത് ബന്ധത്തിനപ്പുറമുള്ള ബന്ധത്തിലേക്ക് തന്നെ നിര്ബന്ധിച്ചു. അങ്ങനെയെങ്കില് കരിയറില് ഒരുപാട് ഉയരങ്ങളിലേക്ക് എത്താന് സാധിക്കുമെന്ന് അയാള് വാഗ്ദാനം നല്കി. ഇപ്പോഴുള്ള അവസരങ്ങളില് താന് തൃപ്തയാണെന്ന് അന്ന് തന്നെ അയാള്ക്ക് മറുപടി നല്കിയിരുന്നു'- സെറീന് കൂട്ടിച്ചേര്ത്തു.
