തിരുവനന്തപുരം : തദ്ദേശ ഭരണ, നിയമസഭാ തെരഞ്ഞെടുപ്പുകള്ക്ക് മുന്പ് ബി.ജെ.പി സംസ്ഥാന ഘടകത്തിന് പുതിയ പ്രസിഡന്റ് വന്നേക്കും. കമ്മനം ഒഴിഞ്ഞ ശേഷം മൂന്ന് മാസത്തോളം സംസ്ഥാന ഘടകത്തിന് പ്രസിഡന്റ് ഇല്ലായിരുന്നു. ഈ സാഹചര്യത്തിലാണ് പി.എസ് ശ്രീധരന് പിള്ളയെ പുതിയ അധ്യക്ഷനായി നിയമിച്ചത്. ശ്രീധരന് പിള്ളയ്ക്ക് പകരം സംസ്ഥാന ജനറല് സെക്രട്ടറിമാരായ കെ.സുരേന്ദ്രന്, എം.ടി രമേശ് എന്നിവരില് ഒരാളെ പ്രസിഡന്റാക്കാനാണ് സാധ്യത.
കെ.സുരേന്ദ്രനാണ് കൂടുതല് സാധ്യത. ശബരിമല പ്രക്ഷോനത്തെ തുടര്ന്നുണ്ടായ ജനകീയ സ്വീകാര്യതയാണ് സുരേന്ദ്രന് മേല്ക്കെ നേടിക്കൊടുത്ത്. ഇതിനിടെ എം.എസ് കുമാറിന്റെ പേരും ഉയര്ന്നുകേള്ക്കുന്നുണ്ട്. ഇത്തവണ കേന്ദ്രനേതൃത്വം സംസ്ഥാന പ്രസിഡന്റിനെ നേരിട്ട് നോമിനേറ്റ് ചെയ്യുമെന്നാണ് വിവരം. സംസ്ഥാന പ്രസിഡന്റിന്റെ ഒഴിവു വന്ന മറ്റ് മൂന്ന് സംസ്ഥാനങ്ങളിലും അമിത് ഷാ നേരിട്ട് പ്രസിഡന്റുമാരെ നോമിനേറ്റ് ചെയ്യുകയായിരുന്നു.
സംസ്ഥാന നിയമസഭയിലേക്ക് മഞ്ചേശ്വരം, വട്ടിയൂര്ക്കാവ്, കോന്നി, എറണാകുളം എന്നീ മണ്ഡലങ്ങളിലേക്കുള്ള ഉപതിരഞ്ഞെടുപ്പുകളും പുതിയ നേതൃത്വത്തിന്റെ കീഴിലാവും നടക്കുക.
