പത്തനംതിട്ട: ഇന്നലെ പെയ്ത കനത്ത മഴയില് പമ്പാനദിയില് ജലനിരപ്പുയര്ന്ന് റാന്നി നഗരം വെള്ളത്തിനടിയിലായതോടെ വ്യാപാരികള് ദുരിതത്തില്. വെറും 24 മണിക്കൂറിനുള്ളില് 339 മില്ലീമീറ്റര് മഴയാണ് റാന്നിയില് പെയ്തിറങ്ങിയത്. 2018ലെ പ്രളയത്തിന് സമാനമായ സാഹചര്യത്തിലൂടെയാണ് നഗരം കടന്നുപോയത്. ഇന്ന് രാവിലെയോടെ ജലനിരപ്പ് താഴ്ന്നുതുടങ്ങിയെങ്കിലും മേഖലയിലെ വ്യാപാരികള്ക്ക് ഭീമമായ നാശനഷ്ടമാണ് റിപ്പോര്ട്ട് ചെയ്തിട്ടുള്ളത്.
ഓണക്കാലമായതിനാല് മിക്ക കടകളിലും വന്തോതില് സാധനങ്ങള് സ്റ്റോക്ക് ചെയ്തിരുന്നു. ഇന്നലെ ചന്ത ദിവസമായതിനാല് കൂടുതല് സാധനങ്ങളും കടകളിലേക്ക് ഇറക്കുമതി ചെയ്തിരുന്നു. എന്നാല് അപ്രതീക്ഷിതമായി വെള്ളം കയറിയതിനാല് കച്ചവട സാധനങ്ങള് ഒന്നും സുരക്ഷിത സ്ഥാനത്തേക്ക് മാറ്റാന് വ്യാപാരികള്ക്ക് സാവകാശം ലഭിച്ചില്ല. പ്രദേശത്തെ ലോട്ടറി വ്യാപാരികള്ക്ക് മാത്രം നാല് ലക്ഷം രൂപയിലധികം നഷ്ടം സംഭവിച്ചു. ഓണം ബമ്പര് ഉള്പ്പെടെയുള്ള ലോട്ടറി ടിക്കറ്റുകള് വെള്ളത്തില് ഒലിച്ചുപോവുകയുണ്ടായി.
വ്യാപാരികള്ക്കുണ്ടായ കനത്ത നാശനഷ്ടങ്ങളുടെ കണക്കെടുക്കണമെന്നും അര്ഹമായ നഷ്ടപരിഹാരം ഉറപ്പാക്കണമെന്നും ജില്ലാ ഭരണകൂടത്തോട് ആവശ്യപ്പെട്ടിട്ടുണ്ടെന്ന് റാന്നി എം.എല്.എ. പഴകുളം മധു വ്യക്തമാക്കി. പെട്ടെന്നുള്ള വെള്ളപ്പൊക്കം കച്ചവടക്കാരുടെ ഉപജീവന മാര്ഗ്ഗത്തെയാണ് സാരമായി ബാധിച്ചിരിക്കുന്നത്. ദുരിതത്തിലായ വ്യാപാരികളെ സഹായിക്കാന് അടിയന്തര നടപടികള് സ്വീകരിക്കുമെന്നാണ് അധികൃതര് നല്കുന്ന വിവരം.
ഓണക്കാലമായതിനാല് മിക്ക കടകളിലും വന്തോതില് സാധനങ്ങള് സ്റ്റോക്ക് ചെയ്തിരുന്നു. ഇന്നലെ ചന്ത ദിവസമായതിനാല് കൂടുതല് സാധനങ്ങളും കടകളിലേക്ക് ഇറക്കുമതി ചെയ്തിരുന്നു. എന്നാല് അപ്രതീക്ഷിതമായി വെള്ളം കയറിയതിനാല് കച്ചവട സാധനങ്ങള് ഒന്നും സുരക്ഷിത സ്ഥാനത്തേക്ക് മാറ്റാന് വ്യാപാരികള്ക്ക് സാവകാശം ലഭിച്ചില്ല. പ്രദേശത്തെ ലോട്ടറി വ്യാപാരികള്ക്ക് മാത്രം നാല് ലക്ഷം രൂപയിലധികം നഷ്ടം സംഭവിച്ചു. ഓണം ബമ്പര് ഉള്പ്പെടെയുള്ള ലോട്ടറി ടിക്കറ്റുകള് വെള്ളത്തില് ഒലിച്ചുപോവുകയുണ്ടായി.
വ്യാപാരികള്ക്കുണ്ടായ കനത്ത നാശനഷ്ടങ്ങളുടെ കണക്കെടുക്കണമെന്നും അര്ഹമായ നഷ്ടപരിഹാരം ഉറപ്പാക്കണമെന്നും ജില്ലാ ഭരണകൂടത്തോട് ആവശ്യപ്പെട്ടിട്ടുണ്ടെന്ന് റാന്നി എം.എല്.എ. പഴകുളം മധു വ്യക്തമാക്കി. പെട്ടെന്നുള്ള വെള്ളപ്പൊക്കം കച്ചവടക്കാരുടെ ഉപജീവന മാര്ഗ്ഗത്തെയാണ് സാരമായി ബാധിച്ചിരിക്കുന്നത്. ദുരിതത്തിലായ വ്യാപാരികളെ സഹായിക്കാന് അടിയന്തര നടപടികള് സ്വീകരിക്കുമെന്നാണ് അധികൃതര് നല്കുന്ന വിവരം.
Comments