തിരുവനന്തപുരം: പാലാരിവട്ടം മേല്പ്പാലവുമായി ബന്ധപ്പെട്ട അഴിമതി ആരോപണത്തില് ഭയമില്ലെന്നും അറസ്റ്റ് ചെയ്യുമെന്ന ഭയം കൊണ്ടല്ല താന് എംഎല്എ ഹോസ്റ്റലില് താമസിക്കുന്നതെന്നും ഇബ്രാഹീം കുഞ്ഞ് എംഎല്എ. ഇതുമായി ബന്ധപ്പെട്ട എല്ലാ അന്വേഷണവുമായി പൂര്ണ്ണമായി സഹകരിക്കുമെന്നും പാലത്തിലെ പിഴവ സാങ്കേതികം മാത്രമാണെന്നും ഇബ്രാഹീം കുഞ്ഞ് പ്രതികരിച്ചു.
അഴിമതി ആരോപണത്തില് ഉദ്യോഗസ്ഥന്റെ ആരോപണങ്ങള് മറുപടി പറയേണ്ട കാര്യം തനിക്കില്ല. താന് പ്രതികൂട്ടിലാണോ അല്ലയോ എന്ന് തീരുമാനിക്കേണ്ടത് കോടതിയും അന്വേഷണ സംഘവുമാണ്. അന്വേഷണത്തെ ആദ്യം സ്വാഗതം ചെയ്തതയാളാണ് താന്. ഇപ്പോള് ഇവരുടെ പക്കലിരിക്കുന്ന കേസിന് പൂര്ണ്ണ പിന്തുണ നല്കുകയും ചെയ്യുന്നുണ്ട്. പാലവുമായി ബന്ധപ്പെട്ട ഫയല് ഏറ്റവും ഒടുവിലാണ് തന്റെ കയ്യിലെത്തിയതെന്നും അദ്ദേഹം പറഞ്ഞു. ഇന്നലെ കേസില് മുന് മന്ത്രി ഇബ്രാഹീം കുഞ്ഞിനും പങ്കുണ്ടെന്ന് ടി ഒ സൂരജ് ആരോപിച്ചിരുന്നു.
കരാറുകാരന് പണം നല്കാന് ഉത്തരവിട്ടത് അന്ന് പൊതുമരാമത്ത് വകുപ്പ് മന്ത്രിയായിരുന്ന ഇബ്രാഹീം കുഞ്ഞായിരുന്നെന്നും ഇബ്രാഹീം കുഞ്ഞിന്റെ രേഖാമൂലമുള്ള ഉത്തരവ് അനുസരിച്ചാണ് കരാറിന് വിരുദ്ധമായി ആര്ഡിഎസ് കമ്പനിക്ക് എട്ടു കോടി 25 ലക്ഷം രൂപ നല്കിയത്. കരാറുകാരന് പണം നല്കിയതിനാണ് സൂരജിനെ അറസ്റ്റ് ചെയ്തിരിക്കുന്നത്. അഴിമതി നടത്തിയത് താനല്ലെന്നും വിജിലന്സ് ആരോപിക്കുന്ന കുറ്റങ്ങള് ചെയ്യാന് രേഖാമൂലം ഉത്തരവിട്ടത് ഇബ്രാഹീം കുഞ്ഞാണെന്നും പറഞ്ഞിരുന്നു.
