ഹരിദ്വാര്: ആത്മഹത്യ ചെയ്ത ആളുടെ മൃതദേഹത്തിനായി എത്തിയത് ഏഴ് ഭാര്യമാര്. ഹരിദ്വാരിലാണ് സംഭവം. 40കാരനാണ് ആത്മഹത്യ ചെയ്തത്. ഇതോടെ മൃതദേഹം ഏറ്റെടുക്കാനായി അഞ്ച് ഭാര്യമാര് എത്തി. ഇവര്ക്കാര്ക്കും തങ്ങളുടെ ഭര്ത്താവ് മറ്റൊരു വിവരം കഴിച്ച വിവരം അറിയാമായിരുന്നില്ല. വലിയ തര്ക്കങ്ങള്ക്കും വിഷയങ്ങള്ക്കും ഒടുവില് ശവദാഹം നടത്തി. ശവസംസ്കാരത്തിന് ശേഷം രണ്ട് ഭാര്യമാര് കൂടി അന്വേഷിച്ച് എത്തി. ഏഴ് ഭാര്യമാരാണ് മരിച്ചയാള്ക്കായി എത്തിയത്.
അതേസമയം ഇനിയും ഭാര്യമാര് എത്തിയേക്കാം എന്നാണ് പോലീസ് പറയുന്നത്. അതിനാല് ഈ കേസ് രണ്ട് ദിവസം കൂടി നിരീക്ഷിക്കാനും പോലീസ് നിശ്ചയിച്ചു. ഇതിനിടെ ഭാര്യമാര്ക്കിടയില് കൈയ്യേറ്റ ശ്രമം വരെയുണ്ടായി.
40കാരനായ പവന് കുമാറാണ് ജീവനൊടുക്കിയത്. രവിദാസ് ബസ്തി നിവാസിയായ ഇയാള് ഡ്രൈവറായി ജോലി ചെയ്ത് വരികയായിരുന്നു. ഞായറാഴ്ച രാത്രി പ്രതി വിഷം കഴിച്ച് ആത്മഹത്യ ചെയ്യുകയായിരുന്നു. ഇതറിഞ്ഞ ഭാര്യ ഇയാളെ ആശുപത്രിയിലെത്തിച്ചു. എന്നാല് ചികിത്സയ്ക്കിടെ ഇദ്ദേഹം മരിച്ചു.
ഇയാള്ക്ക് സിമ്പത്തികപരമായി പല പ്രശ്നങ്ങളുമുണ്ടായിരുന്നെന്ന് പോലീസ് വ്യക്തമാക്കി. സംഭവത്തെ കുറിച്ച് കൂടുതല് അന്വേഷണം നടത്തുമെന്നും പോലീസ് അറിയിച്ചു. ആശുപത്രിയില് പവനെ എത്തിച്ച ഭാര്യയോട് കാര്യം തിരക്കിയെങ്കിലും ആത്മഹത്യക്ക് കാരണം വ്യക്തമായില്ല. ഇയാളുടെ ബാങ്ക് അക്കൗണ്ടില് ഒരു രൂപ പോലും ഇല്ലെന്നും വാടകയ്ക്ക് ആണ് താമസിച്ചിരുന്നതെന്നും പോലീസ് വ്യക്തമാക്കി.
