175 രാജ്യങ്ങളിലെ നിക്ഷേപകരെ പറ്റിച്ച് ക്രിപ്റ്റോ കറന്സിയിലൂടെ 4.9 ബില്ല്യന് ഡോളര് (ഏകദേശം 34924.99 കോടി രൂപ) തട്ടിയെടുത്താണ് രുജാ ഇഗ്നാറ്റോവ അപ്രത്യക്ഷയായത്. 'ക്രിപ്റ്റോ റാണി' (Cryptoqueen) എന്ന പേരിലും ഇവര് അറിയപ്പെടുന്നു. പുതിയ തരം പണമെന്ന പേരിലാണ് വിവിധ രാജ്യങ്ങളില് ക്രിപ്റ്റോ കറന്സിയായ വണ്കോയിന് (OneCoin) രുജാ അവതരിപ്പിച്ചത്.
രുജായുടെ തട്ടിപ്പില് പെട്ടത് നിരവധി ആളുകളാണ്. കണക്കുകള് പ്രകാരം ബ്രിട്ടനില് നിന്ന് 96 ദശലക്ഷം പൗണ്ടും, ചൈനയില് നിന്ന് 427 മില്ല്യന് യൂറോയുമാണ് 2016-ല് രുജോ തട്ടിയെടുത്തത്. ഡോക്ടര് രുജാ, ഡോക്ടര് ഇഗ്നാറ്റോവ തുടങ്ങിയ പേരുകളിലാണ് ഇവര് തട്ടിപ്പ് നടത്തിയത്. വണ്കോയിന് അധികം താമസിയാതെ ബിറ്റ്കോയിനെ മറികടക്കുമെന്നു പറഞ്ഞും, 'തങ്ങളെ അനുകരിക്കാന് ശ്രമിക്കുന്ന' മറ്റു ക്രിപ്റ്റോകറന്സികളെ കളിയാക്കിയുമൊക്കെയാണ് അവര് ആളുകളെ കൈയ്യിലെടുത്തത്.
