ഹോളിവുഡ് താരം ആഞ്ചലീന ജോളിയെ പോലെയാകാന് പ്ലാസ്റ്റിക് സര്ജറി ചെയ്ത പ്രശസ്ത ഇന്സ്റ്റഗ്രാം താരത്തെ അറസ്റ്റ് ചെയ്തതായി റിപ്പോര്ട്ട്. ടെഹാറാനിലെ മാര്ഗ നിര്ദ്ദേശ കോടതിയുടെ നിര്ദേശ പ്രകാരമാണ് സഹാര് തബാര് എന്ന അറിയപ്പെടുന്ന സോഷ്യല് മീഡിയ താരത്തെ കസ്റ്റഡിയിലെടുത്തത്. സാസംകാരിക കുറ്റ കൃത്യങ്ങളും സാമൂഹികവും ധാര്മ്മികവുമായ അഴിമതികളുമാണ് മാര്ഗ നിര്ദ്ദേശ കോടതി പരിഗണിക്കുക.
മതനിന്ദ, അക്രമത്തിനു പ്രേരിപ്പിക്കുക, അനുചിതമായ മാര്ഗങ്ങളിലൂടെ വരുമാനം നേടുക, അഴിമതി നടത്താന് യുവാക്കളെ പ്രോത്സാഹിപ്പിക്കുക തുടങ്ങിയ കുറ്റങ്ങളാണ് അവര്ക്കുമേല് ചുമത്തപ്പെട്ടിരിക്കുന്നത്. സെഹാറിന്റെ ഇന്സ്റ്റഗ്രാം നിറയെ ആഞ്ചലീനയെ അനുകരിച്ച് അവര് പോസ്റ്റ് ചെയ്ത ചിത്രങ്ങളാണ്. ധാരാളം ഫോളോവേഴ്സുണ്ട് അവര്ക്ക്.
സഹാര് ഷെയര് ചെയ്ത മിക്ക ഫോട്ടോകളും വിഡിയോകളും ആഞ്ചലീന ജോളിയുമായി സാമ്യമുള്ളതാകാന് വേണ്ടി എഡിറ്റ് ചെയ്തതാണ്. 2017 വരെ ഇവര് 52 പ്ലാസ്റ്റിക് സര്ജറിക്ക് വിധേയയായിരുന്നു. ആഞ്ചലീനയാകാന് വേണ്ടി സഹാര് 40 കിലോയോളം തൂക്കമാണ് കുറച്ചത്. ഒട്ടിയ കവിളം തടിച്ച ചുണ്ടുകളും മറ്റും ആക്കുന്നതിനു വേണ്ടി പ്ലാസ്റ്റിക് സര്ജറികളും നടത്തി.
മൂക്കും കവിളെല്ലും ആഞ്ചലീനയെപ്പോലെയാക്കുന്നതിനാണ് കൂടുതലും കഷ്ടപ്പെട്ടത്. അവരുടെ രൂപം ആകെ വികൃതമാക്കിയതും ഈ പരീക്ഷണങ്ങള് നടത്തിയതിനാലാണ്.
അതേസമയം ഇറാനില് അനുവദനീയമായ ഒരേഒരു സോഷ്യല് മീഡിയ പ്ലാറ്റ്ഫോം ആണ് ഇന്സ്റ്റഗ്രാം. ഫേയ്സ്ബുക്ക്, ട്വിറ്റര്, ടെലഗ്രാം തുടങ്ങിയ മാധ്യമങ്ങളെല്ലാം അവിടെ ഔദ്യോഗികമായി നിരോധിച്ചിരിക്കുകയാണ്.
