മധുര : ക്ലാസിലെ ഉച്ചഭക്ഷണസമയം സഹപാഠികള് തമ്മില് അടിപിടി. സംഭവത്തില് ഒരു കുട്ടി മരിച്ചു. തമിഴ് നാട്ടിലെ തേനി ജില്ലയിലാണ് സംഭവം. മരിച്ച വിദ്യാര്ത്ഥിയായ സഹപാഠിയെ പോലീസ് അറസ്റ്റ് ചെയ്തു. തേനി കംബാര് സ്ട്രീറ്റിലെ എം തിരുമല് (17) എന്ന വിദ്യാര്ത്ഥിയാണ് മരിച്ചത്.
അല്ലനഗരം ഗവണ്മെന്റ് ഹയര് സെക്കന്ഡറി സ്കൂളില് പ്ലസ് ടൂ വിദ്യാര്ത്ഥിയാണ് തിരുമല്. വെള്ളിയാഴ്ഞ ഉച്ചക്ക് ഭക്ഷണം കഴിക്കാന് വീട്ടില് പോയ തിരുമല് ഒന്നരയോടെ തിരികെ സ്കൂളില് എത്തി. ഇതിന് ശേഷം സുഹൃത്തുക്കള് തമാശയ്ക്ക് തുടങ്ങിയ അടിപിടിക്കിടെ തിരുമല് ബോധരഹിതനായി നിലത്ത് വീഴുകയായിരുന്നു.
വിദ്യര്ത്ഥികള് തിരുമല്ലിനെ ക്ലാസിന് പുറത്തേക്ക് കൊണ്ടുവന്നു. സംഭവമറിഞ്ഞ അധ്യാപകര് ഉടന് തന്നെ സ്വകാര്യ ആശുപത്രിയിലെത്തിച്ചെങ്കിലും നില അപകടരമാണെന്നും അതിനാല് മെഡിക്കല് കോളേജിലേക്ക് കൊണ്ടുപോകണം എന്നും പറഞ്ഞു. എന്നാല് മെഡിക്കല് കോളേജില് എത്തിയപ്പോഴേക്കും കുട്ടി മരിച്ചിരുന്നു.
തിരുമല്ലിന്റെ മരണത്തിന് കാരണമായ വിദ്യാര്ത്ഥിയെ അറസ്റ്റ് ചെയ്യണമെന്ന് ആവശ്യപ്പെട്ട് മാതാപിതാക്കളും ബന്ധുക്കളും ഉപരോധ സമരം നടത്തി. രണ്ട് മണിക്കൂറിന് ശേഷം വിദ്യാര്ത്ഥിയെ പോലീസ് കസ്റ്റഡിയില് എടുത്തതിന് ശേഷമാണ് ഇവര് സമരം അവസാനിപ്പിച്ചത്.
