കോഴിക്കോട്: കഴിഞ്ഞ ദിവസം കൂടത്തായി കേസന്വേഷണ സംഘത്തെ വിപുലീകരിച്ചിരുന്നു. കോഴിക്കോട് റൂറല് എസ്.പി കെ.ജി സൈമണിന്റെ നേതൃത്വത്തിലുള്ള പത്തംഘ സംഘത്തിലേക്ക് 25 ഉദ്യോഗസ്ഥരെ കൂടി ഉള്പ്പെടുത്തിയാണ് അന്വേഷണ സംഘം വിപുലീകരിച്ചത്. ഇതോടൊപ്പം അന്വേഷണ സംഘത്തിന് സാങ്കേതി സഹായങ്ങള് നല്കാന് ഒരു പ്രത്യേക സംഘത്തെ കൂടി നിയമിച്ചിട്ടുണ്ട്. ഐ.ടി സെല് സൂപ്രണ്ട് ഡോ. ദിവ്യ വി ഗോപിനാഥ് ആണ് ഈ സംഘത്തിന് നേതൃത്വം നല്കുന്നത്.
കര്ണാടക കേഡറായിരുന്ന ഡോ. ദിവ്യ വി ഗോപിനാഥ് ഇപ്പോള് സെന്ട്രെല് ഡെപ്യൂട്ടേഷിലാണ് കേരളത്തിലെത്തിയത്. കര്ണാടകയില് വച്ച് മന്ത്രിയുടെ കാര് കടത്തി വിടാതെ തടഞ്ഞും അതിന് മന്ത്രിയുടെ അധിക്ഷേപമേല്ക്കേണ്ടി വന്നതിലൂടെയും വര്ത്തകളില് നിറഞ്ഞ ഉദ്യോഗസ്ഥയാണ് ദിവ്യ ഗോപിനാഥ്.
കഴിഞ്ഞ ജൂലൈ 18ന് തുമകുരു ജില്ലാ ഭരണകൂടത്തെ സുരക്ഷയൊരുക്കുന്നതിനാണ് അവധിയിലായിരുന്ന മുന് തുമകുരു പോലീസ് സൂപ്രണ്ടായിരുന്ന ദിവ്യയുടെ സഹായം അധികൃതര് തേടിയത്. ശിവകുമാര് സ്വാമിയുടെ ഭൗതിക അവശിഷ്ടങ്ങള് ഗാര്ഡ് ഓഫ് ഓണര് നല്കിയ ശേഷം അകത്തേയ്ക്ക് കൊണ്ടുപോകുന്ന ചടങ്ങായിരുന്നു മഠത്തില് നടന്നത്. എന്നാല് ചടങ്ങിന്റെ അവസാന ഘട്ടത്തിലെത്തിയ മന്ത്രി സാ രാ മഹേഷിന്റെ വാഹനം കടത്തി വിടാന് ദിവ്യ തയ്യാറായില്ല.
ക്ഷുഭിതനായ മന്ത്രി ഉദ്യോഗസ്ഥയോട് അലറിക്കൊണ്ട് 'ബ്ലഡി ലേഡി, ഞാനാരണെന്ന് അറിയാമോ? ഞാനൊരു മന്ത്രിയാണ്' എന്ന് പറഞ്ഞു. തുമകുരു ഡെപ്യൂട്ടി കമ്മീഷ്ണര് രാകേഷ് സിംഗ് ഉള്പ്പെടെയുള്ളവര് ഉദ്യോഗസ്ഥയെ രക്ഷിക്കാന് ഓടിയെത്തുകയും ചെയ്തു. തുമകുരു പോലീസ് സൂപ്രണ്ടായിരുന്ന ദിവ്യയെ ഈ സംഭവത്തിന് ഏതാനും ദിവസം മുന്പ് സ്ഥലം മാറ്റിയിരുന്നു. അതിനെ തുടര്ന്ന് ലീവിലായിരുന്ന അവര് വകുപ്പില് നിന്നുള്ള അഭ്യര്ത്ഥ സ്വീകരിച്ചാണ് സുരക്ഷാ സംവിധാനങ്ങളില് സഹായിക്കാനെത്തിയത്.
സംഭവം വലിയ വിവാദമാവുകയും അന്ന് മുഖ്യമന്ത്രിയായിരുന്ന എച്ച്. ഡി കുമാരസ്വാമി ഉദ്യോഗസ്ഥയോട് മാപ്പ് പറയാന് മന്ത്രിയോട് നിര്ദേശിക്കുകയും ചെയ്തു. അതിന് ശേഷമാണ് ദിവ്യ സെന്ട്രല് കേഡറിലെ ഡെപ്യൂട്ടേഷനിലൂടെ കേരളത്തിലെത്തിയത്.
