കൂടത്തായി പരമ്പര കൊലപാതകങ്ങളുമായി ബന്ധപ്പെട്ട് പല കാര്യങ്ങളിലും ഇനിയും വ്യക്തത വരാനുണ്ട്. മുഖ്യപ്രതി ജോളിയും രണ്ടാം ഭര്ത്താവ് ഷാജുവും തമ്മില് ഷാജുവിന്റെ ഭാര്യ സിലി കൊല്ലപ്പെടുന്നതിന് മുമ്പ് തന്നെ അടുപ്പമുണ്ടായിരുന്നുവെന്നാണ് വിവരം. എന്നാല് സിലിയുടെ കൊലപാതകത്തിന് പിന്നില് സ്വര്ണ്ണം കൈക്കലാക്കാനുള്ള ശ്രമമാണെന്നും സംശയമുണ്ട്. സിലിയുടെ 40 പവന് സ്വര്ണമാണ് കാണാതായിരിക്കുന്നത്.
സിലിയുടെ മരണത്തിന് ശേഷം ജോളി മുഖേന ഷാജുവിനെ ഏല്പ്പിച്ച സ്വര്ണമാണ് കാണാതായിരിക്കുന്നത്. പള്ളിയുടെ ഭണ്ഡാരത്തില് സ്വര്ണം നിക്ഷേപിച്ചുവെന്നാണ് ഷാജു പറയുന്നത്. എന്നാല് ഇക്കാര്യം അംഗീകരിക്കാനാവില്ലെന്നും സിലിയുടെ കൊലപാതകത്തിന് പിന്നില് സ്വര്ണം കൈക്കലാക്കാനുള്ള ശ്രമം ഉണ്ടോ എന്ന് അന്വേഷിക്കണമെന്ന് ബന്ധു വിഡി സേവ്യര് പറഞ്ഞു.
അതേസമയം മുഖ്യ പ്രതി ജോളി ഉള്പ്പെടെയുള്ള പ്രതികളുടെ കസ്റ്റഡി കാലാവധി അവസാനിച്ചതിനാല് ഇന്ന് താമരശ്ശേരി കോടതിയില് ഹാജരാക്കും. എന്നാല് കസ്റ്റഡി നീട്ടുന്നതിന് അപേക്ഷ നല്കുമെന്ന് അന്വേഷണസംഘം പറഞ്ഞു. പരാതിക്കാരനായ റോജോ തോമസില് നിന്നും അന്വേഷണസംഘം മൊഴിയെടുത്തിരുന്നു.
'അന്വേഷണം പുരോഗമിക്കുകയാണ്. ഇനിയും കാര്യങ്ങള് പുറത്തുവരും. ആത്മാക്കള് അവിടെ കിടന്ന് നിലവിളിക്കുകയാണ്. അവര്ക്ക് നീതി കിട്ടണം. ഇനി ബാക്കി ജീവിച്ചിരിക്കുന്ന ഞങ്ങള്ക്കും നീതി കിട്ടണം. ഞാന് ഇവിടെ ഇല്ലായിരുന്നത് കൊണ്ടാണ്. നാട്ടില് വരുമ്പോഴും ഞാന് വീട്ടില് താമസിക്കാറില്ല..' റോജോ പറഞ്ഞ വാക്കുകളാണിത്. പരാതി പിന്വലിക്കണമെന്ന് ജോളി ആവശ്യപ്പെട്ടിരുന്നു. വസ്തു ഇടപാടിലെ ധാരണയ്ക്ക് പകരം കേസ് പിന്വലിക്കണമെന്നായിരുന്നു ജോളിയുടെ ആവശ്യം. എന്നാല് പരാതി പിന്വലിക്കില്ലെന്ന നിലപാടില് ഉറച്ചുനിന്നെന്ന് റോജോ പറഞ്ഞു.
